Vetrardagskrá Leikfélags Akueyrar kynnt
Leikfélag Akureyrar kynnti í vikunni dagskrá næsta vetrar fyrir félagsmönnum. Árið 1973 varð Leikfélag Akureyrar atvinnuleikhús og mun félagið halda upp á þessi tímamót með ýmsum hætti á komandi leikári.
Sýningar:
Sek, nýtt leikverk eftir Hrafnhildi Hagalín í leikstjórn Ingibjargar Huldar Haraldsdóttur. Sýnt í Samkomuhúsinu. Hrafnhildur Hagalín er eitt af okkar fremstu leikskáldum og semur hér verk um ástarþríhyrning sem kemur fyrir í dómsmáli á 19. öld á Melrakkasléttu. Hrafnhildur notar texta úr dómskjölum sem efnivið í sýningu sem verður í senn myndræn og grípandi. Ingibjörg Huld Haraldsdóttir útskrifaðist vorið 2011 úr Fræði og framkvæmd við Listaháskóla Íslands. Hún tók sín fyrstu skref sem leikstjóri í útskriftarverkefni sínu Spuni eða Kamelljón fjárhirðisins eftir Eugene Ionesco. Ingibjörg leikstýrði Ég er vindurinn eftir Jon Fosse í Þjóðleikhúskjallaranum 2012.
Gullna hliðið eftir Davíð Stefánsson í leikstjórn Egils Heiðars Antons Pálssonar. Sýnt í Samkomuhúsinu. Gullna hliðið er afmælissýning Leikfélags Akureyrar. Egill Heiðar leikstýrði Leigumorðingjanum hjá LA s.l haust og var tilnefndur til Menningarverðlauna DV m.a fyrir þá uppsetningu.
Trommari óskast eftir Richard Maxwell í leikstjórn Ragnheiðar Skúladóttur. Verkið sem fjallar um samband mæðgina á gamansaman hátt verður sett upp í Rýminu í september. Richard Maxwell er einn af helstu samtímaleikhúsmönnum í Bandarísku leikhúsi. Hann hefur hlotið mikla athygli fyrir verk sín sem hann leikstýrir gjarnan sjálfur og semur tónlistina við. Maxwell er stofnandi leikhópsins New York City Players. Ben Brantley, aðal leikhúsgagnrýnandi New York Times valdi sýningu Maxwells Neutral Hero sem eina af tíu markverðustu uppfærslunum í New York 2012.
Jón Gunnar Þórðarson setur upp nýtt írskt verðlaunaverk í leikstjórn í Rýminu. Jón Gunnar útskrifaðist með BA gráðu í leikstjórn frá Drama Centre London árið 2006. Eftir það hefur hann leikstýrt leiksýningum í atvinnuleikhúsum á Íslandi, Englandi og Finnlandi. Hann hefur einnig unnið sem aðtoðarleikstjóri í The Royal Shakespeare Company og hjá Vesturporti. Jón Gunnar hefur haldið námskeið og leikstýrt í menntaskólum og stjórnað Götuleikhúsinu í Reykjavík.
Nýtt leikverk eftir Árna Kristjánsson í samstarfi við Útvarpsleikhúsið. Verkið verður flutt í Útvarpsleikhúsinu og sem hljóðverk í Davíðshúsi í samvinnu við Minjasafnið á Akureyri. Sögusvið leikritsins er að mestu leyti heimili Davíðs, Davíðshús, og segir frá honum sjálfum eitt vetrarkvöld þar sem óvænta gesti ber að garði. Árni Kristjánsson hefur unnið að þessu verki í nokkurn tíma, meðal annars í sameiginlega vinnustofu LA og Minjasafnsins fyrr í vetur.
Vinnustofur:
Sam Haren, leikstjóri og höfundur kemur til okkar frá Ástralíu til vinnustofudvalar auk þess að vinna með nemendum leiklistarskólans.
Poste Restante, einn af framsæknustu leikhópum Svía kemur frá Stokkhólmi og dvelur í vinnustofu.
Nánar verður greint frá gestasýningum, starfsemi Leiklistarskóla LA og vinnustofum ásamt annarri starfsemi í ársbæklingnum þegar hann kemur út í ágúst.
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
