Velferð og sjálfstæði
Sjálfstæðisflokkurinn hefur lagt fram raunhæfar tillögur fyrir kjósendur til að lækka skuldir hvers einstaklings sem hefur tekið verðtryggt lán til húsnæðiskaupa.
Þær tillögur miðast við þá fjárhæð sem lántakendur greiða mánaðarlega af húsnæðislánum sínum, en eru ekki tengdar tekjum.
Lántaki sem greiðir 100.000 krónur af láni sínu mánaðarlega fær 40.000 króna skattaafslátt sem leggst inn á höfuðstól láns hans. Greiði lántaki 50.000 kr. á mánuði er skattaafslátturinn 20.000 kr. á mánuði.
Við hverja greiðslu lækkar höfuðstóllinn og þar með afborgunin og lækkar svo verulega eftir því sem höfuðstóllinn lækkar. Meðallán mun lækka um allt að 20% á 4-5 árum.
Þessi leið er ábyrg og fær fyrir ríkissjóð. Hún eykur ráðstöfunartekjur lántaka jafnt og þétt, sem síðan skilar sér inn í efnahagskerfið með aukinni veltu. Þessar tillögur koma þeim sem eru með lægri og meðaltekjur best.
Áfnám skerðingar ellilífeyris og örorkubóta
Sjálfstæðisflokkurinn mun afnema skerðingu á ellilífeyri og örorkubótum og bótum almannatrygginga og hækka þær að nýju. Þær skerðingar sem hafa átt sér stað á undanförum 4 árum nema um 13 milljörðum króna.
Núverandi ráðstöfunartekjur 75% öryrkja nema alls 131.000 á mánuði. Það segir sig sjálft að það er afar erfitt að láta enda ná saman, að ekki sé minnst á að veita sér örlitla ánægju, hjá þeim hópi. Staða aldraðra verður bætt og dregið úr tekjutengingu sem mun gera fólki yfir 70 ára aldri kleift að afla sér tekna án skerðinga. Þá þarf að tryggja að aldraðir á dvalarheimilum haldi sínu fjárhagslega sjálfstæði. Þannig verður mismunun sem birst hefur í aðgerðum stjórnvalda undanfarin ár gagnvart þessu fólki aftur eytt.
Jöfnun húshitunarkostnaðar landsmanna
Sjálfstæðisflokkurinn leggur áherslu á að húshitunarkostnaður landsmanna verði jafnaður. Á svonefndum köldum svæðum þar sem hús eru kynt með rafmagni, er raforkureikingur allt að 50.000 kr. á mánuði, sem er ríflega helmingi hærri en rafmagns- og hitaveitureikningur á svæðum þar sem hitaveita er.
Landsmenn sem búa á köldum svæðum eru til muna færri en þeir sem búa á heitum svæðum eða 30.000 manns af 320.000 Íslendingum. Það er öllu auðveldara að jafna þennan kostnað sem því nemur.
Sjálfstæðisflokkurinn stendur vörð um velferð fólks, hvar í stétt sem það stendur.
Valgerður Gunnarsdóttir, skólameistari og formaður Skólameistarafélags Íslands skipar 2. sæti hjá Sjálfstæðisflokknun í Norðausturkjördæmi.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
