Var eini strákurinn í bekknum
Ég byrjaði að vinna á leikskóla árið 1997 á Stekk hér á Akureyri. Mér fannst það strax mjög gaman og þar kviknaði áhuginn. Ég er búinn að vinna sem sjómaður, bílstjóri, í kjötiðnaði og í frystihúsi en þetta er það lang skemmtilegasta sem ég hef gert, segir Þorvaldur Þorvaldsson, leikskólakennari á Lundarseli á Akureyri. Þar hefur hann umsjón með krökkum á aldrinum 5-6 ára. Þorvaldur hafði nýlokið við að koma krökkunum í útifötin þegar hann gaf sér tíma til að ræða við blaðamann Vikudags og það leyndi sér ekki að þarna fer maður sem hefur gaman af því sem hann er að gera.
Það sem nefnt hefur verið barnaheimspeki hefur talsverð áhrif á starfsemi okkar. Við veltum svolítið fyrir okkur þessum bláa strákaheimi og bleika stelpuheimi. Það að stelpur leiki sér með bíla eða strákar með dúkkur á ekki að skipta neinu máli. Við aðhyllumst jafnréttisstefnu og kennum krökkunum að það eiga allir rétt á að gera það sem þá langar til.
Ertu stundum kallaður pabbi á leikskólanum?
Já, það kemur fyrir að krakkarnir missa það út úr sér og það finnst mér bara krúttlegt.
Er að verða algengara að karlmenn vinni á leikskólum?
Já, við erum reyndar ekki margir karlmennirnir sem höfum útskrifast sem leikskólakennarar og það er eitthvað sem þarf að bæta. Ég held að ástæðan sé ekki hræðsla við að þetta sé kvenmannsstarf, frekar að það sé launatengt því leikskólakennarar eru ekki hálaunastétt. En það hefur færst í vöxt að strákar vinni sem leiðbeinendur hérna á Akureyri.
Viðtalið við Þorvald í heild sinni má nálgast í prentútgáfu Vikudags.
throstur@vikudagur.is
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
