Trúi ekki öðru en að ríkisstjórnin standi við gefin loforð
Björn Snæbjörnsson Mynd: Karl Eskil
Satt best að segja eru samskipti ríkisstjórnarinnar og verkalýðshreyfingarinnar stirð um þessar mundir, okkar mat er að hún hafi ekki staðið við yfirlýsingar sem gefnar voru um kjaramál. Á næstu mánuðum verður farið sérstaklega yfir forsendur gildandi kjarasamnings og í janúar kemur í ljós hvort núverandi samningur verður látinn standa, segir Björn Snæbjörnsson formaður Einingar-Iðju.
Sérstakri forsendunefnd ASÍ og SA er ætlað að fjalla um þróun kjara-, efnahags-, atvinnu-, og félagsmála á samningstímanum. Í byrjun næsta árs á nefndin að fjalla um tímabilið frá 1. febrúar á þessu ári til ársloka. Samningurinn heldur gildi sínu til ársloka 2014 hafi forsendur staðist. Eins og staðan er í dag virðist kaupmátturinn standast, gengi íslensku krónunnar er veikari en gert er ráð fyrir og verðbólgan er of mikil, þetta verður skoðað og metið á næstu mánuðum. Verði samningnum sagt upp detta út þær kauphækkanir sem kveðið er á um, þannig að það þarf að leggja þetta allt á vogarskálarnar þegar dæmið er reiknað út í heild sinni.
Björn segir að ríkisstjórnin hafi meðal annars lofað að hækka á næsta ári atvinnuleysisbætur og almannatryggingar.
Samkvæmt fjárlagafrumvarpi fyrir næsta ár er gert ráð fyrir að atvinnuleysisbæturnar hækki aðeins um rúmar 5000 krónur á mánuði, ríkisstjórnin hafði hins vegar lofað að hækka bæturnar um 11.000 krónur. Ég trúi ekki öðru en að ríkisstjórn standi við gefin fyrirheit. Síðan nefni ég líka endurgreiðslur ríkisins vegna hráefnisskorts í fiskvinnslu. Í fjárlagafrumvarpinu kemur fram að ekki á að setja krónu í slíkar endurgreiðslur. Þetta skapar eðlilega óöryggi meðal starfsfólks í greininni.
Björn segir að í nóvember og desember verði væntanlega fundað með trúnaðarfólki Einingar-Iðju, þar sem farið verði yfir alla liði kjarasamningsins. Orð skulu standa, ég hreinlega trúi ekki öðru en að ríkisstjórnin sjái að sér og standi við gefin fyrirheit.
karleskil@vikudagur.is
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
