Tímabært að lækka fasteignaskatt
Akureyri
Bæjarráð Akureyrar hefur samþykkt að fela sviðsstjóra fjársýslusviðs að reikna út sviðsmyndir af lækkun á fasteignaskatti.
Félag atvinnurekenda hefur skorað á sveitarfélög landsins að lækka álagningarprósentu fasteignaskatts á atvinnuhúsnæði og halda þannig sköttum á atvinnuhúsnæði óbreyttum á milli ára. Jafnframt hvetur félagið til uppbyggilegs samtals sveitarfélaganna og ríkisvaldsins um breytt kerfi skattlagningar fasteigna með minni sveiflur og meiri fyrirsjáanleika að markmiði. Erindi félagsins var vísað til vinnu við gerð fjárhagsáætlunar 2026 til 2029.
Tímabært
„Líkt og ég hef áður bent á er tímabært að lækka fasteignaskatta á íbúa og atvinnulíf á Akureyri,“ segir í bókun Hildu Jönu Gísladóttur S-lista. Telur hún ekki ástæðu til að bíða eftir fjárhagsáætlunargerð næsta árs til að taka af skarið og lækka þá skatta, t.a.m. um 1-2 punkta.
Miklar skattahækkanir
Sunna Hlín Jóhannesdóttir B-lista bendir í bókun á að fasteignamat hafi hækkað verulega á Akureyri frá árinu 2022, eða um 60% Fyrir árið 2026 sé hækkun 10,6% fyrir íbúðarhúsnæði og 7,9% fyrir atvinnuhúsnæði. Álagningarprósenta hafi aðeins einu sinni lækkað á yfirstandandi kjörtímabili, þá lítilega fyrir íbúðarhúsnæði en ekkert fyrir atvinnuhúsnæði. „Þetta hefur orðið til þess að íbúar og fyrirtæki hafa tekið á sig miklar skattahækkanir í gegnum fasteignaskatt,“ segir hún. Leggja bæjarfulltrúar B-lista til að prósentan verði lækkuð bæði á íbúðar- og atvinnuhúsnæði þannig að tryggt sé að íbúar og fyrirtæki taki ekki á sig hærri eignaskatt milli ára.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
