Þingeyjarsveit - Ásdís og Yngvi Ragnar hljóta menningarverðlaunin
Íþrótta-tómstunda og menningarnefnd var einhuga um að menningarverðlaun Þingeyjarsveitar árið 2025 hlytu Ásdís Erla Jóhannesdóttir og Yngvi Ragnar Kristjánsson eigendur Sel Hótel Mývatn
Menningarverðlaun Þingeyjarsveitar eru veitt þeim einstaklingum, hópi eða félagasamtökum, sem hafa á einhvern hátt þótt skara fram úr og lagt sitt af mörkum við að efla menningarstarf í sveitarfélaginu. Það er á höndum íþrótta-tómstunda- og menningarnefndar að gera tillögu að því hver hlýtur viðurkenningu fyrir framúrskarandi menningarstarf með hliðsjón af tilnefningum og ábendingum.
Nefndinni bárust nokkrar tilnefningar í ár og það er ánægjulegt að segja frá því að þær bárust víða að úr sveitarfélaginu.
Þó aðeins einn hljóti verðlaunin, þá er það að mikill heiður að vera tilnefndur sönnun þess að það sem viðkomandi einstaklingar eru að fást við skiptir okkur hin máli.
Íþrótta-tómstunda og menningarnefnd var einhuga um að menningarverðlaun Þingeyjarsveitar árið 2025 hlytu Ásdís Erla Jóhannesdóttir og Yngvi Ragnar Kristjánsson eigendur Sel Hótel Mývatn.
Að auki hlutu tilnefningar:
Skákfélagið Goðinn, sem síðustu tvo áratugi hefur haldið uppi eftirtekaverðu starfi undir stjórn Hermanns Aðalsteinssonar í Lyngbrekku.
Anna Dagbjört Andrésdóttur í Gautlöndum fyrir að vera góð fyrirmynd og hvetja íbúa til jákvæðra samskipta m.a. með viðburðahaldi.
Söngfélagið Sálubót, sem árum saman hefur laðað að fólk til samsöngs og staðið fyrir fjölbreyttum samkomum.
Mikill fjölbreytileiki og gróska einkennir menningarlíf Þingeyjarsveitar og er nokkuð sem virðist samofið samfélaginu og órjúfanlegur hluti þess. Það er samt ekki sjálfgefið að svo sé. Menningin okkar er gullegg og í henni felast tækifæri sem við þurfum að vera meðvituð um að halda á lofti og hlúa að, því öflugt menningarlíf er stór þáttur í velsæld hvers samfélags.
Það er með sanni sagt að handhafar Menningarverðlaunanna 2025 hafi verið virkir þátttakendur í samfélaginu í gegnum árin með reglulegum samkomum og menningarviðburðum og hvatt okkur til jákvæðra samskipta. Sem dæmi má nefna skíðagönguspor, jólasveinana í Dimmuborgum, fjölskylduhlaðborð í tilefni jóla, margháttaða aðkomu að vetrarhátíð og Vordægur fyrir 60 ára og eldri. Þau hafa einnig lagt sitt að mörkum til íslenskrar bjórmenningar, en bjórinn þeirra er framleiddur undir merkinu Mývatn öl.
Ekki má láta hjá liggja að hrósa og þakka Ragga og Ásdísi fyrir það sem þau skila til baka í samfélagið, því þau eru mikilvægir bakhjarlar fyrir íþrótta,-menningar og góðgerðastarf í sveitinni.
Nýjast
-
Börnunum finnst vanta rusladall
Börn á leikskólanum Klöppum fara mikið í Kvenfélagsreitinni. Þeim þykir ruslið og mikið og steininn tók út þegar poki með hundakúk fannst á svæðinu. Þau biðja bæjarstjóra um að redda rusladalli á svæðið. -
Veglegur styrkur kvennakvölds Þórs og KA
Ár hvert fer fram glæsilegt kvennakvöld Þórs og KA og afhenti kvennakvöldsnefndin kvennaliðum félaganna veglega styrki á mánudaginn í leikhléi í leik Þórs/KA og Breiðabliks í Boganum. Hver deild fékk í ár styrk að upphæð 1,5 milljónir sem kemur sér ansi vel í rekstri liðanna okkar. -
Dúxar komu frá Dalvík
Menntaskólanum á Akureyri slitið í 145. sinn -
Þingeyjarsveit - Ásdís og Yngvi Ragnar hljóta menningarverðlaunin
Menningarverðlaun Þingeyjarsveitar eru veitt þeim einstaklingum, hópi eða félagasamtökum, sem hafa á einhvern hátt þótt skara fram úr og lagt sitt af mörkum við að efla menningarstarf í sveitarfélaginu. Það er á höndum íþrótta-tómstunda- og menningarnefndar að gera tillögu að því hver hlýtur viðurkenningu fyrir framúrskarandi menningarstarf með hliðsjón af tilnefningum og ábendingum. -
Hvolpasveitin sló í gegn hjá þeim yngstu
Það var margt um manninn á 17. júní hátíðarhöldum í Lystigarðinum í gær en meðal ungviðisins var það helst Hvolpasveitin sem heillaði alla uppúr skónum. -
Evrópuleikur KA verður á Akureyri í lok júlí
Það ríkir mikil gleði og þakklæti í herbúðum KA, nú þegar ljóst er að félagið fær að spila heimaleik sinn í 2. umferð Sambandsdeildarinnar á Akureyri – eftir að UEFA veitti félaginu sérstaka undanþágu til leikjahalds á Greifavellinum í fyrstu tveim umferðum Sambandsdeildarinnar. Eins og fram hefur komið situr KA hjá í fyrstu umferð og mun því spila fyrsta leik sinn í Sambandsdeildinni í 2. umferð. -
Húni ll EA siglir í dag í tilefni þjóðhátíðardagsins
Boðið verður upp á siglingu með Húna II kl. 16.30. Siglt er frá Fiskihöfninni norðan við ÚA, beint neðan við Hagkaup. Siglingin er 45 mínútna löng. Bætt verður við annarri siglingu kl. 17.15 ef þörf verður á. -
Stærsti brautskráningarhópur Háskólans á Akureyri frá upphafi
Háskólahátíð — brautskráning kandídata frá Háskólanum á Akureyri fór fram í fjórum athöfnum í Hátíðarsal Háskólans á Akureyri 13. og 14. júní. Aldrei hafa fleiri kandídatar brautskráðst frá háskólanum en samtals brautskráðist 591 kandídat í grunn- og framhaldsnámi af tveimur fræðasviðum. -
Hinsegin hátíð á Norðurlandi eystra hefst miðvikudaginn 18. júní og stendur til og með 22. júní.
Markmið hátíðarinnar er að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti.
