,,Þessi umbótavinna hefur verið mikil og krefjandi"
Mynd/SAk.
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. Þetta kemur fram í tilkynningu á vef SAk.
Gæðastarf og fagmennska í forgrunni
Stöðugleiki í mönnun hefur verið lykiláhersla síðustu mánaða. Tveir nýir sérfræðilæknar hafa verið ráðnir. Þá hefur stjórnendateymi geðþjónustunnar verið styrkt með ráðningu deildarstjóra, aðstoðardeildarstjóra á dag- og göngudeild og áframhaldandi faglegrar forystu yfirlæknis.
Húsnæði tekið til gagngerrar endurskoðunar
Nýverið lauk umfangsmiklum endurbótum á legudeild sem bætt hafa aðbúnað og öryggi. Áform eru uppi um nýbyggingu geðsviðs sem mun sameina legu-, dag- og göngudeild á einum stað – með nútímalegum og notendamiðuðum lausnum. Áætlað er að nýtt húsnæði verði tekið í notkun árið 2028.
„Mikill munur er á umhverfi sjúklinga og vinnuaðstöðu starfsfólks til hins betra eftir umbæturnar á legudeildinni. Umhverfi er hlýlegra sem hefur áhrif á líðan sjúklinga inni á deild og jafnframt er betur hægt að tryggja öryggi sjúklinga. Þá hefur betri vinnuaðstaða leitt til aukinnar starfsánægju og afkastagetu starfsfólks sem hefur jákvæð áhrif á þá meðferð sem veitt er,“ segir Bergþóra H. Bergþórsdóttir, hjúkrunarfræðingur á legudeild geðdeildar.
Breytingar með notandann í öndvegi
Markmið allra umbóta er að bæta aðgengi, samfellu og gæði þjónustunnar – með notandann í brennidepli. „Þessi umbótavinna hefur verið mikil og krefjandi en einnig gefið starfsmannahópnum langþráð svigrúm til að vinna að faglegum framförum í þjónustunni og fylgja þeirri vinnu eftir, með hag notenda að leiðarljósi,“ segir Valdís Eyja Pálsdóttir, sálfræðingur göngudeildar geðdeildar.
Geðþjónusta SAk gegnir mikilvægu hlutverki á landsbyggðunum og þjónustar íbúa Norður- og Austurlands. Með áframhaldandi umbótum og markvissri uppbyggingu er unnið að því að tryggja örugga, samfellda og faglega þjónustu – sem stenst kröfur nútímans og væntingar notenda.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
