Tækifærið til breytinga
Kristján Þór Júlíusson
Á laugardaginn kjósum við íbúar Norðausturkjördæmis fulltrúa á Alþingi sem við treystum til þess að bera fram okkar óskir og standa vörð um hagsmuni okkar, hvort heldur þær lúta að staðbundnum viðfangsefnum eða varða landsmenn alla. Í mínum huga snúast kosningarnar um það hvort almenningur í landinu telji að þetta kjörtímabil hafi verið til blessunar fyrir fólk og fyrirtæki í landinu eða hvort nú sé tækifærið að kveðja stjórnarstefnu sl. fjögurra ára, sem hefur byggst á því að ríkisvaldið hefur stöðugt tekið meira til sín á kostnað almennings og atvinnulífsins. Síauknar álögur á fólk hafa gert það að verkum að úr færri krónum er að spila hjá fjölskyldum, sem aftur hefur haft þær afleiðingar að einkaneysla hefur dregist saman og hagkerfið er í lága drifinu. Ekki var á það bætandi til viðbótar við sögulegt frost í fjárfestingum.
Við sjálfstæðismenn bjóðum fram öflugan framboðslista með sterkar rætur í okkar kjördæmi. Sjálfur held ég heimili á Akureyri ásamt fjölskyldu minni og sæki þekkingu og styrk á heimaslóð. Ég hef lagt mig fram um að kynna mér vel allt kjördæmið allt frá Siglufirði til Djúpavogs og tel mig því þekkja vel mismunandi aðstæður fólks, vonir þess og væntingar, erfiðleika og tækifæri.
Fyrir þessar kosningar höfum við sjálfstæðismenn lagt fram raunhæfar tillögur sem miða að því að bæta hag heimila og fyrirtækja og er unnt að koma strax til framkvæmda. Við leggjum áherslu á lækkun tekjuskatts sem við teljum að sé mikilvægasta skrefið í að bæta hag heimila og atvinnulífs. Lækkun tekjuskatts skilar strax hærri ráðstöfunartekjum og léttir undir með rekstri heimilisins. Við viljum einnig lækka virðisaukaskatt og tolla, sem lækkar vöruverð svo um munar. Afar brýnt er að lækka tryggingagjald á fyrirtæki, enda verður að brjótast sem allra fyrst út úr óvissu og kyrrstöðu í atvinnulífinu og sækja fram á nýjan leik. Við þurfum að auka fólki og fyrirtækjum bjartsýni. Til þess þarf aðra stefnu og hana bjóðum við sjálfstæðismenn fram. Tækifærið til breytinga er laugardaginn 27. apríl.
Lesendum Vikudags og landsmönnum öllum óska ég gleðilegs og gjöfuls sumars.
Kristján Þór Júlíusson.
Höfundur skipar 1. sæti á lista Sjálfstæðisflokksins í Norðausturkjördæmi.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
