Sýning á Iðnaðarsafni í tilefni af 80 ára afmæli ÚA
Kaldbakur EA 1 tekur ís og kost við Sverrisbryggju áður en haldið er til veiða. Vélar skipsins hafa greinilega verið ræstar. Ljósmynd: Gísli Ólafsson.
Útgerðarfélag Akureyringa heldur um þessar mundir upp á 80 ára afmæli sitt, félagið var formlega stofnað 26. maí árið 1945. Aðeins fyrr eða um miðjan mars hafði verið boðað til undirbúningsfundar þar sem áhugi fyrir stofnun útgerðarfélags í bænum var kannaður.
Tilgangurinn var að sækja um heimild til ríkisstjórnar til skipakaupa. Ríkisstjórn Ólafs Thors hafði þá ákveðið að nýta stríðsgróða til að endurnýja togaraflota landsmanna og var frestur til að sækja um að renna út. Tæpum tveimur árum eftir stofnfundinn, 17. maí 1947, kom fyrsti togari ÚA til heimahafnar, Kaldbakur EA 1, 654 brúttótonna skip, smíðað í Englandi.
Þáttaskil í atvinnusögu bæjarins
Sögu Útgerðarfélags Akureyringa verður gerð skil á sýningu sem opnuð verður á Iðnaðarsafninu á Akureyri á sjómannadag, næsta sunnudag. Haraldur Þór Egilsson safnstjóri Minjasafnsins, sem tekið hefur við umsjón Iðnaðarsafns segir sjávarútveg hafa gengt mikilvægu hlutverki í sögu Akureyrar og þar hafi stærsta skrefið verið stigið með stofnun ÚA. „Það urðu ákveðin þáttaskil í atvinnusögunni og hefur félagið nú í 80 ár verið burðarás í atvinnulífi bæjarins,“ segir Haraldur og bætir við að það sé ánægjulegt að geta á þessum tímamótum gert hlut sjávarútvegs í bæjarlífinu hærra undir höfði á Iðnaðarsafninu. Lítið hafi áður verið fjallað um fiskvinnslu á safninu.
Nútíð og fortíð
Sýningin á Iðnaðarsafninu er liður í að endurnýja rými þess. Henni hefur verið komið fyrir í tveimur sölum safnsins. Þar eru ljósmyndir og lifandi myndir að auki í bland við allra handa gripi sem tengjast sögunni og þá eru það einnig módel af skipum. Markmið með sýningunni sé að sýna hvernig fiskvinnsla og sjómennska er á okkar tímum ásamt því að horfa yfir farinn veg. „Sýning nær til allrar starfsemi ÚA um tíðina en hún hefur verið viðamikil bæði á árum áður og nú um stundir,“ segir Haraldur.
Mikil vinna hefur verið lögð í að setja þessa áhugaverðu sýningu upp, en í fyrstu var ætlunin að hún yrði opnuð á næsta ári. „Í tilefni af þessum tímamótum nú, 80 ára afmæli félagsins nú í ár, var opnun flýtt og það þýddi að við ýttum öðrum fyrirhuguðum verkefnum aðeins til hliðar á meðan,“ segir Haraldur
Sýningin verður sem fyrr segir opnuð á morgun sunnudag og stendur hún út árið 2026.
Nýjast
-
Fróðir fjármálasnillingar og frábærar fyrirmyndir í Fjallabyggð
Mikilvægt að fjalla um það sem jákvætt er -
Kvaddi skólann eftir 20 ár
Valgerður Gunnarsdóttir lætur af störfum sem skólameistari Framhaldsskólans á Húsavík eftir farsælan feril -
Skítaveður í kortunum
Það hefur ekki farið framhjá einum eða neinum að veðrabrigði blasa við okkur og það er best að taka þá veðurspá alvarlega. Það mun bresta á um og eftir hádegi á morgun mánudag og Veðurstofa Íslands hefur gefið út gular og svo appelsínugular viðvaranir. -
Gestkvæmt hjá ÚA í gær
Þúsundir Akureyringa og gesta kynntu sér starfsemi Útgerðarfélags Akureyringa við Fiskitanga á Akureyri í gær, laugardaginn 31. maí. -
Fjölmenni tók þátt í dagskrá í tengslum við Sjómannadaginn
Fjölmenni var í Sandgerðisbót í dag og naut fólk dagskrár í tengslum við Sjómannadaginn ríkulega. Verbúðir voru opnar og boðið uppá smakk af sjávarfangi, Karlakór Akureyrar tók lagið og eitt þúsund grillaðar pylsur runnu vel niður hjá gestum sem eins og fyrr sagði létu sig ekki vanta. -
Sýning á Iðnaðarsafni í tilefni af 80 ára afmæli ÚA
Útgerðarfélag Akureyringa heldur um þessar mundir upp á 80 ára afmæli sitt, félagið var formlega stofnað 26. maí árið 1945. Aðeins fyrr eða um miðjan mars hafði verið boðað til undirbúningsfundar þar sem áhugi fyrir stofnun útgerðarfélags í bænum var kannaður. -
Hvatningarverðlaun Eyrarrósarinnar í Þingeyjarsveit
Verkefnið Afhverju Ekki hlaut Hvatningarverðlaun Eyrarrósarinnar 2025! Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
VMA- Aldrei jafnmargir nemendur brautskráðir á einu skólaári
Alls voru brautskráðir 186 nemendur frá Verkmenntaskólanum á Akureyri við athöfn síðastliðinn laugardag. Þeir voru af tuttugu námsbrautum auk meistaranáms að loknu sveinsprófi. -
ÚA 80 ára - Gjörið svo vel, gangið í bæinn
Í tilefni af 80 ára afmæli Útgerðarfélags Akureyringa er almenningi boðið að kynna sér starfsemi ÚA við Fiskitanga á Akureyri, laugardaginn 31. maí frá klukkan 11:00 til 13:00.