Syngur á persónulegum nótum
Rúnar Eff. Mynd/Þröstur Ernir.
Rúnar Freyr Rúnarsson sendir frá sér nýja plötu í apríl næstkomandi og er það önnur plata hans á ferlinum. Rúnar hefur verið afkastamikill tónlistamaður og spilað um allt land undanfarin ár. Blaðamaður Vikudags settist niður með Rúnari yfir kaffibolla og spjallaði við hann um tónlistina, fjölskyldulífið og erfiðan skilnað sem hann gekk í gegnum nýlega.
Platan er búinn að vera í vinnslu í um tvö og hálft ár. Ég stend sjálfur að útgáfunni og ferlið hefur því verið langt. Þetta er að mörgu leyti persónuleg plata. Textarnir byggjast flestir á minni lífsreynslu. Ég er mjög ánægður með afraksturinn og hef fengið góð viðbrögð. Svo er bara að sjá hverju þetta skilar mér. Hlutirnir geta gerst hratt í tónlistarheiminum þannig að maður veit sjaldan hvað morgundagurinn ber í skauti sér.
Hvernig er að starfa sem tónlistarmaður Akureyri?
Ég get ekki kvartað þar sem ég hef nóg að gera. En þetta getur verið flökkulíf þar sem ég er að þeytast hingað og þangað um landið. Ég er að spila nánast allar helgar, hvort sem það er á Akureyri eða annars staðar. Ég hef einnig verið að spila töluvert erlendis upp á síðkastið, t.d. í Danmörku og Svíþjóð. Svo stendur til að fara út til Bandaríkjanna í sumar þannig að það er talsvert um ferðalög. Heima fyrir er ég einnig að syngja mikið í brúðkaupum og jarðarförum.
Erfitt en gefandi
Það getur verið mjög erfitt að spila í jarðarförum. Sérstaklega þar sem ég er oft fenginn til þess að spila hjá ungu fólki og börnum sem fallið hafa frá í blóma lífsins. Þá reynir á að loka á tilfinningar og hugsa um eitthvað annað. En á sama tíma þarf að gefa allt í sönginn. Maður verður óneitanlega meyr þegar maður syngur í jarðarförum, slíkt er óhjákvæmilegt. Enda þótt söngur við þetta tilefni sé krefjandi og aldrei gaman þá er það gefandi. Maður verður ánægður með sjálfan sig og finnst maður hafa gefið eitthvað af sér. Fólk er líka yfirleitt mjög þakklátt. Í brúðkaupum er þetta alveg þveröfugt. Þá eru allir hressir og maður er þátttakandi í stórum stundum í lífi fólks, á degi sem er fullur af hamingju og gleði.
Nánar er rætt við Rúnar í nýjustu prentútgáfu Vikudags.
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
