Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi.
Rannsóknin leiddi í ljós að þegar skólatími barna styttist eða fjölda barna á hverri deild er fækkað, eykst ró og jafnvægi í leikskólastarfinu. Þetta hefur skilað sér í fleiri gæðastundum í námi og leik, auk þess sem líðan barna og starfsfólks hefur batnað. Skólastjórnendur nefndu að breytingarnar hafi dregið úr álagi og streitu, og bætt bæði námstækifæri og samskipti.
Tilgangur rannsóknarinnar var að skoða reynslu skólastjórnenda og starfsfólks af breytingum á rekstrarfyrirkomulagi leikskóla, með áherslu á að meta hvernig sveitarfélögunum tveimur hefur gengið að ná þeim markmiðum sem stefnt var að með breytingunum. Sérstaklega var unnið með þann hluta niðurstaðna sem snýr að áhrifum breytinganna á skólastarfið og á velferð barna. Markmiðið var að kanna hvort breytingarnar - gjaldfrjáls sex tíma leikskóli og skráningardagar - hefðu áhrif á daglegt starf leikskólanna og líðan barnanna.
Samkvæmt rannsókninni er helsti ávinningur af breytingunum aukin velferð barna og bætt starfsumhverfi fyrir kennara og starfsfólk. Þegar skólatími barna styttist eða fjölda barna í hverjum hóp fækkaði, skapaðist rólegra og afslappaðra umhverfi í leikskólunum. Minni fjöldi barna í einu skapar fleiri tækifæri fyrir einstaklingsbundið nám og leik, sem styður við þroska þeirra. Börn finna fyrir meiri ró og öryggi þegar álag og áreiti minnkar, sem hefur jákvæð áhrif á líðan þeirra og vellíðan. Með betra skipulagi og minni álagi geta kennarar og starfsfólk sinnt vinnu sinni af meiri ánægju og fagmennsku. Þessar breytingar stuðla því að auknum gæðum í skólastarfi og bæta bæði námsumhverfið og félagslegan þroska barnanna.
Rannsóknin var unnin af Svövu Björgu Mörk, lektor í stefnu- og stjórnunarfræðum menntastofnana við Menntavísindasvið Háskóla Íslands, og Önnu Elísu Hreiðarsdóttur, lektor við kennaradeild Háskólans á Akureyri og framkvæmd í febrúar 2024. Rannsóknin byggði á rýniviðtölum við leikskólastjórnendur í 17 leikskólum – níu í Kópavogi og í öllum átta leikskólum sem sveitarfélagið rekur á Akureyri.
Hér er hlekkur á rannsóknina.
Frá þessu segir fyrst á heimasíðu Akureyrarbæjar.
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
