Stærstu hluthafar í Fiskey leggja félaginu til nýtt hlutafé
Þau hlutafjárloforð sem þegar eru fyrir hendi gera félaginu kleift að standa undir nauðsynlegum framkvæmdum og þá mun viðskiptabanki fyrirtækisins fjármagna rekstur þess til að ekki þurfi að koma til stöðvunar. "Þetta sýnir að enn hafa stærstu hluthafarnir, sem samtals eiga 75% af hlutafénu, trú á framtíðarrekstri þess," segir Kristján Ragnarsson formaður stjórnar Fiskeyjar en aðalfundur félagsins var haldinn nýlega. Kristján segir að á undanförnum tveimur árum hafi komið upp vandamál í tengslum við endurnýjun á klakstofni, frá villtum stofni að eldisstofni og þrátt fyrir að hrognaframleiðsla hafi verið mikil hafi gæðin verið léleg, þau eru ekki þau sömu og áður var. "Þetta hefur valdið okkur erfiðleikum sem leitt hafa til þess að miklir fjármunir hafa tapast og afkoman er óásættanleg," segir hann. Félagið var rekið með 84 milljóna króna tapi árið 2007 og seiðaframleiðsla var 300 þúsund seiði en áætlanir gerðu ráð fyrir að framleidd yrðu 600 þúsund seiði á árinu.
Kristján segir að of þröngt sé fyrir klakfisk á Dalvík og skjótra úrbóta þörf. Fyrsta skrefið verður að flytja eldishóp frá Dalvík til Hjalteyrar og þá verður framtíðarklakfiskur sem eftir er í stöðinni í Þorlákshöfn einnig fluttur þangað og stöðinni í Þorlákshöfn lokað endanlega. Einn af gömlu lýsistönkunum á Hjalteyri hefur verið endurbyggður í þeim tilgangi að taka við þessu hlutverki og segir Kristján einsýnt að þeim þremur tönkum sem eftir eru verði einnig breytt og allur klakfiskur verði á Hjalteyri, enda hagkvæmara að reka starfsemina á einum stað. Aðra meginástæðu slæmrar afkomu á síðastliðnu ári má rekja til sölusamnings sem gerður var í lok árs 2004 til fjögurra ára við Nordic Seafarms í Noregi um sölu seiða. Nú hefur nýr samningur verið gerður milli fyrirtækjanna sem gerir ráð fyrir hærra verði fyrir seiði en var og mun skila sér í auknum tekjum hjá Fiskey á næsta ári. Kristján segir að um alger umskipti sé að ræða hvað varðar afkomumöguleika fyrirtækisins í náinni framtíð. Nú sé búið að tryggja sölu á seiðum til næstu ára á hagstæðu verði til tveggja fyrirtækja í Noregi sem og einnig til Silfurstjörnunnar á Kópaskeri þar sem áframeldi fer fram. Hefur Kristján trú á því taprekstri verði nú snúið í umtalsverðan hagnað.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."