Spil og fótbolti
Aron Geir Jónsson, sonur Jóns Stefáns, spilar Jumping Monkeys og skemmtir sér konunglega.
Akureyringarnir Jón Stefán Jónsson og Birkir Hermann Björgvinsson eiga og reka saman netverslunina B&J Sport. Fyrirtækið er tveggja ára gamalt og hefur hingað til boðið upp á fótboltavörur. Nú fyrir jólin helltu þeir sér hins vegar út í sölu á borðspilum.
Þetta er vissulega undarleg blanda en útskýringin á þessu er mjög einföld; þetta endurspeglar áhugasvið okkar beggja. Ég sérstaklega er mikið fyrir að sitja með vinum mínum og spila skemmtileg spil. Þaðan er þetta komið, segir Jón Stefán. Hann segir þá félaga vilja auka við þá spilaflóru sem er í boði. Okkur langaði að bjóða upp á eitthvað annað en þessi hefðbundnu spil. Við eyddum rúmum mánuði í að afla okkur upplýsinga um gæðaspil sem höfða til mismunandi hópa og erum verulega sáttir við afraksturinn.
Gæðavörur
Þeir Jón Stefán og Birkir segja söluna ganga vel.
Við erum að selja ótrúlega mikið miðað við að við höfum nánast ekkert markaðssett okkur og erum báðir með fjölskyldur og í fullri vinnu fyrir utan þennan rekstur. Við seljum núna ýmsum fótboltafélögum bolta og aðrar vörur tengdri þjálfun knattspyrnufólks. Við höfum lært mikið á þessu sviði og teljum okkur vera komna með algjörar gæðavörur tengdar fótboltanum í dag. Nú stefnum við inn á spilamarkaðin og verður hann alltaf svona vetrargæluverkefnið okkar enda minna að gera í kringum fótboltann þá, sögðu þeir Birkir og Jón Stefán. Slóðin á heimasíðuna er www.icelandsport.net.
Nýjast
-
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni. -
Hver borgar brúsann?
Ríkisstjórnin hefur lagt fram frumvarp um breytingar á lögum um skyldutryggingu lífeyrisréttinda og starfsemi lífeyrissjóða. Efni frumvarpsins varðar svokallaða víxlverkun. Verði frumvarpið að lögum verður lífeyrissjóðum óheimilt að taka tillit til greiðslna frá Tryggingastofnun ríkisins við útreikning örorkulífeyris. Í reynd þýðir það að tvö aðskilin kerfi, þ.e. almannatryggingar annars vegar og lífeyrissjóðir hins vegar, greiða út bætur án samræmis eða gagnkvæmrar aðlögunar. -
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983.
