Smíði á minnismerki um síðutogara að hefjast - Verkið verði í alfaraleið og öllum aðgengilegt
Áferð minnismerkisins verður áþekk minnismerki um síldarstúlkurnar sem stendur fram við Róaldsbraggann á Siglufirði. Gert er ráð fyrir að verkið verði lýst upp bæði að neðan og ofan og að til hliðar við það verði söguskilti og í námunda við það verði einnig sætisbekkur.
„Það er allt klárt nema staðsetningin,“ segir Sigfús Ólafur Helgason sem er í forsvari fyrir hóp fyrrverandi ÚA sjómanna. Þeir hafa nú samið við Slippinn um smíði minnismerkis um sögu síðutogara og sjómenn. Stefnt er að því að setja verkið upp í sumar.
Sigfús segir að sjómenn vilji gjarnan að minnismerkið verði í alfaraleið þar sem flestir geti barið það augum og benda á staðsetningu sunnan við Menningarhúsið Hof. Skipulagsráð fól á dögunum skipulagsfulltrúa að ræða við hópinn, „um hvort ekki finnist aðrir möguleikar á staðsetningu minnisvarðans,“ eins og það er orðað í bókun ráðsins. Sigfús segir bæði Dalvíkingar og Siglfirðingar hafi lýst yfir áhuga á að hýsa minnismerkið, náist ekki góð lending varðandi staðsetningu miðsvæðis á Akureyri að mati hópsins.
Fjármögnun lokið
„Málið er í góðum farvegi, við skrifuðum undir samning um smíðina við Slippinn í vikunni, það er verið að leggja lokahönd á hönnun og lýsingu verksins og þegar er búið að tryggja fjármögnun þess. Nú bíðum við bara spenntir eftir að minnismerkið verði tilbúið einhvern tíma í sumar þannig að hægt verði að setja það upp. Vonandi á Akureyri og í alfaraleið,“ segir Sigfús.
Minnismerki ekki listaverk
Hann bætir við að þetta sé ekki listaverk heldur minnismerki þar sem fólk getur komið að og lagt blóm eða annað til heiðurs látnum og týndum sjómönnum. „Við sáum í ferð til Hull á liðnum vetri hversu mikla þýðingu minnismerki af þessu tagi höfðu í Bretlandi. Við eigum að sýna sögu okkar sóma og þeim mönnum sem sóttu sjóinn, tókust á við óblíð náttúruöfl og þurftu sumir hverjir að lúta í lægra haldi fyrir þeim,“ segir Sigfús.
Nýjast
-
Kvennakórinn Embla ásamt hljómsveit flytja Messu fyrir særða jörð
Kvennakórinn Embla ásamt hljómsveit, Þórunni Ósk Marínósdóttur violuleikara og Erlu Dóru Vogler mezzosópran flytja Messu fyrir særða jörð eftir tónskáldið Ketil Björnstad og textahöfundinn Erik Hillestad. Tónleikarnir verða í Glerárkirkju sunnudaginn 1. júní kl 17. Stjórnandi er Roar Kvam. -
Alzheimersamtökin með fræðslu á Norðurlandi
Eitt af meginmarkmiðum Alzheimersamtakanna er að auka þekkingu og dýpka skilning á þeim áskorunum sem einstaklingar með heilabilun og aðstandendur þeirra standa frammi fyrir. Þau halda því reglulega fræðsluerindi víðsvegar um landið. -
,,Slökkviliðið frábær vinnustaður"
Eydís Sigurgeirsdóttir sem hefur unnið hjá Slökkviliði Akureyrar í sjö ár, er i viðtali á Fb síðu Akureyrarbæjar í dag undir liðnum Akureyringur Vikunnar. Eydís kláraði bráðatækninám, ásamt samstarfskonu sinni Bryndísi Elvu Bjarnadóttur, frá NMETC í Massachusetts í febrúar. -
Á uppgjör frá TR að koma eldri borgurum á óvart?
Í maí mánuði ár hvert fer fram uppgjör hjá þeim eldri borgurum sem fá greiðslur frá Tryggingastofnun. -
Sigldur skógarbóndi með metnað fyrir kennslu og rannsóknum
Vísindafólkið okkar - Þorlákur Axel Jónsson Vísindafólkið okkar er mánaðarleg kynning á vísindafólkinu okkar. Þorlákur Axel Jónsson, aðjúnkt við Kennaradeild, er vísindamanneskja maímánaðar. -
Akureyri - Hreinsunarátak
Akureyrarbær hefur hafið átaksverkefni þar sem lóðarhafar iðnaðar- og athafnalóða eru hvattir til að taka til á lóðum sínum nú á vordögum. Þetta gildir jafnt um muni á lóðum, á lóðarmörkum og utan lóða. Samhliða eru allir hvattir til að sækja um stöðuleyfi fyrir gáma. -
Smíði á minnismerki um síðutogara að hefjast - Verkið verði í alfaraleið og öllum aðgengilegt
„Það er allt klárt nema staðsetningin,“ segir Sigfús Ólafur Helgason sem er í forsvari fyrir hóp fyrrverandi ÚA sjómanna. Þeir hafa nú samið við Slippinn um smíði minnismerkis um sögu síðutogara og sjómenn. Stefnt er að því að setja verkið upp í sumar. -
Rúmt ár frá undirskrift samkomulags um viðbyggingu við VMA Síðan hefur ekkert heyrst
-Þrír menntamálaráðherrar hafa komið og farið, „en enginn að halda þessum byggingaáformum á lofti lengur. -
Ársfundur SAk: samskipti, öryggi og gæði í krefjandi umhverfi
Ársfundur Sjúkrahússins á Akureyri (SAk) fór fram í gær. Þar flutti Hildigunnur Svavarsdóttir forstjóri sjúkrahússins ávarp þar sem farið var yfir stöðuna í rekstri og starfsemi SAk, framtíðarhorfur, tækifæri og helstu áskoranir. Yfirskrift fundarins var „Samskipti – Öryggi – Gæði“.