Sjúkrahúsið á Akureyri Jákvæð rekstrarniðurstaða þrátt fyrir áskoranir
Rannveig Jóhannsdóttir fjármálastjóri SAk gerir grein fyrir rekstri ársins 2024.´Mynd SAk.is
Rekstur Sjúkrahússins á Akureyri, SAk skilaði jákvæðri niðurstöðu upp á 189 milljónir króna árið 2024, þrátt fyrir uppsafnaðan halla við upphaf ársins. Þetta kom fram í erindi fjármálastjóra á ársfundi sjúkrahússins og greint er frá á vefsíðu SAk.
Fram kom að tekjur sjúkrahússins hefðu aukist um tæplega 1.300 milljónir króna á milli ára, eða um 9,7%. Megnið af tekjuaukningunni kom í gegnum fjárveitingar og millifærslur milli fjárlagaliða, en þar vógu þyngst úthlutanir úr varasjóði, framlag vegna niðurfellingar samninga við SÍ, sérstök fjármögnun vegna verkefna á borð við liðskiptaaðgerðir, stofnun Akureyrarklíníkurinnar, endurheimt starfsmanna og þjónustutengda fjármögnun.
Þjónustutengd fjármögnun skilar árangri SAk fékk í annað sinn úthlutun úr svonefndum umbunarpotti vegna þjónustutengdrar fjármögnunar. Framleiðsla sjúkrahússins var um 4% yfir áætlun og skilaði það rúmlega 200 milljónum króna úr sameiginlegum umbunarpotti.
Miklar áskoranir vegna langtímaveikinda Langtímaveikindi hafa aukist verulega á undanförnum árum og eru nú að jafnaði 34 stöðugildi í langtímaveikindum – sem jafngildir heilli deild í fjarveru hverju sinni. Kostnaður vegna langtímaveikinda var 516 milljónir króna árið 2024 og nemur það nú um 4,8% af heildarlaunakostnaði SAk. Fjármálastjóri lagði áherslu á að bregðast þyrfti markvisst við þessari þróun og nýta þau úrræði sem þegar hafa verið innleidd til að snúa henni við. Nauðsyn trausts fjármagnsgrunns Forstjóri SAk, Hildigunnur Svavarsdóttir, fjallaði í ræðu sinni um þann árangur sem náðst hefur með samstilltu átaki starfsfólks, stjórnenda og heilbrigðisráðuneytisins. Hún lagði þó áherslu á að fjármagnsgrunnur sjúkrahússins verði að vera traustari og stöðugri til framtíðar: „Við horfum í hverja krónu og hagræðum þar sem við getum – en ef við ætlum að viðhalda og þróa þjónustu af þeim gæðum sem samfélagið á rétt á, þarf fjármögnunin að vera stöðug og skýr.“
Nýjast
-
Batnandi manni er best að lifa.
Það er að renna upp fyrir mér þessa dagana hvernig ég hlýt að koma öðru fólki fyrir sjónir. Einkum á það við þegar ég lít gleraugnalaus í spegil. Þá stend ég andspænis manni sem ég kannast lítið við. Skin og skúrar tilverunnar hafa markað andlitið og þau fáu hár sem eftir eru á höfðinu eru hvít að lit. Og ef ég geri þau reginmistök að snúa mér í kvart-hring fyrir framan spegilinn, þá sé ég að engu líkara en að maginn á mér hafi þjófstartað deginum og hafi náð að vera aðeins á undan mér fram úr svefnherberginu. Hann er ekki ósvipaður stefninu á nýju Samherjatogurunum og þótt svona stefni fari togskipum vel þá er þau ófögur sjón framan á mér. Ég þarf að horfast í augu við það að ég hef orðið að holdgervingi alls hins illa í mannlegri tilveru. Þó andlit mitt sé að mestu rautt og appelsínugult þá telst ég hvítur. Og þegar ég lít niður sé ég gripinn sem lætur lítið yfir sér en dugði þó til þess að þegar ég fæddist ákváðu færustu sérfræðingar að ég væri karlkyns. Ég er hvítur, miðaldra karlmaður. Ég fullkomna svo verkið með því að klæða mig í jakkafötin og luntast í vinnuna. -
Kórfélagi með klarínett í annarri og leikgleði í hinni
Vísindafólkið okkar – Hólmdís Freyja Methúsalemsdóttir „Vísindafólkið okkar er mánaðarleg kynning á vísindafólkinu okkar. Hólmdís Freyja Methúsalemsdóttir, aðjúnkt við Iðjuþjálfunardeild er vísindamanneskja júnímánaðar“ Hólmdís kemur frá austfirsku náttúruparadísinni Vopnafirði, þar sem hún fæddist árið 1979, en á líka sterkar rætur í Aðaldalnum þar sem móðurforeldrar hennar bjuggu. Hún ólst upp í nálægð við sjó, kletta og fjörur og undi sér vel í náttúrunni en hvort sem var inni eða úti var bók yfirleitt við höndina. „Þrátt fyrir að vera alin upp í sjávarþorpi þá var sveitin ekki langt undan og á hverju vori fór ég í sauðburð í Aðaldalinn og frá 11 ára aldri var ég í sveit hjá föðursystur minni og vann meðal annars við að sýna Minjasafnið á Bustarfelli í nokkur sumur.“ -
Sjúkrahúsið á Akureyri Jákvæð rekstrarniðurstaða þrátt fyrir áskoranir
Rekstur Sjúkrahússins á Akureyri, SAk skilaði jákvæðri niðurstöðu upp á 189 milljónir króna árið 2024, þrátt fyrir uppsafnaðan halla við upphaf ársins. Þetta kom fram í erindi fjármálastjóra á ársfundi sjúkrahússins og greint er frá á vefsíðu SAk. -
Fasteignamat hækkar mest milli ára í Hörgársveit
„Það er ánægjulegt að sjá að fólk er tilbúið að greiða hærra verð fyrir íbúðarhúsnæði í sveitarfélaginu og greinilegt er að Hörgársveit dregur að sér nýja íbúa,“ segir Snorri Finnlaugsson sveitarstjóri í Hörgársveit. -
Aðalfundur hverfisráðs Hríseyjar og vel sóttur íbúafundur
Aðalfundur hverfisráðs Hríseyjar var haldinn nýverið í húsnæði sveitarfélagsins í Hlein. -
Fyrsta leikverk LA á næsta leikári: Elskan er ég heima?
Fyrsta verk næsta leikárs hjá Leikfélagi Akureyrar er leikverkið Elskan er ég heima? eftir breska leikskáldið Laura Wade, í fyrsta sinn sett upp í íslensku leikhúsi. -
Ráðhústorg fær andlitslyftingu
Undanfarnar vikur hafa framkvæmdir staðið yfir á Ráhústorgi á Akureyri. Um töluverða andlitslyftingu er að ræða fyrir þetta hjarta miðbæjarins. Hönnuður framkvæmdanna er Teiknistofa Norðurlands og Arnar Birgir Ólafsson, landslagsarkitekt en Garðvík ehf. á Húsavík hefur annast verkið. -
200 þúsund krónur söfnuðust í sveinsprófi matreiðslu í VMA
Veitingageirinn á Akureyri tók sig saman og sló til góðgerðarkvöldverðar sl. miðvikudag og safnaði til styrktar matargjafa Akureyrar og nágrennis í leiðinni -
Mikil uppbygging og þróun í gangi í Eyjafjarðarsveit
Stjórn SSNE hélt fund á dögunum í Eyjafjarðarsveit. Stjórnin fundar almennt með aðstoð Teams, en tvisvar á ári hittist stjórnin á staðfundum og er þá reynt að heimsækja ólík sveitarfélög innan landshlutans.
