Sjómenn eru flestir mjúkir inn við beinið
Konráð Alfreðsson/mynd Karl Eskil
Já, já, það er stundum sagt að sjómenn séu jaxlar og hörkutól. Þeir eru hins vegar flestir mjúkir inn við beinið, það er ábyggilegt, segir Konráð Alfreðsson formaður Sjónammafélags Eyjafjarðar.
Konráð hefur stýrt Sjómannafélagi Eyjafjarðar í nærri aldarfjórðung, þannig að hann þekkir málefni sjómanna til hlítar. Hann er jafnframt varaformaður Sjómannasambands Íslands og hefur tekið að sér margvísleg trúnaðarstörf fyrir sjómenn á starfstímanum. Hann segir að starfsemi félagsins hafi tekið miklum breytingum í áranna rás.
Hingað á skrifstofuna leita menn með hin margvíslegustu persónulegu mál, sem eru viðkvæm. Stundum er skrifstofan eins og félagsmálastofnun og ég er þakklátur fyrir þann trúnað sem margir hafa sýnt mér. Það getur verið erfitt að vera á sjónum, fjarri fjölskyldum og vinum.
Að vísu hefur orðið bylting á sviði fjarskipta, en engu að síður getur fjarveran verið íþyngjandi ýmissa hluta vegna. Í dægurlagatextum er gjarnan sungið um sjómannslífið ljúfa, en líf sjómannsins er auðvitað ekki alltaf dans á rósum. Það er bara þannig, þrátt fyrir að aðbúnaðurinn hafi batnað umtalsvert á síðari árum. Hitt er svo annað mál að flotinn er orðinn allt of gamall og endurnýjunar er þörf. Segir Konráð Alfreðsson.
Ítarlega er rætt við hann í prentútgáfu Vikudags
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
