Sjómannahelginni fagnað á Akureyri
Pollurinn/ljósm Ragnar Hólm
Það verður fjölbreytt og skemmtileg dagskrá á Akureyri um næstu helgi þegar sjómannadeginum verðurfagnað en það er gert með dagskrá sem nær frá föstudegi til sunnudags. Dagskráin hefst á föstudagskvöldinu með Haftónum á Pollinum þar sem Húni II siglir með gesti og tónlistarfólk. Á laugardaginn eru bæjarbúar og gestir hvattir til að gera sér ferð í Sandgerðisbót og skoða þar Bátavélasafn Þórhalls Matthíassonar, smakka á afurðum hafsins, rölta um bryggjurnar og skoða verbúðirnar. Sama dag verður glæsileg fjölskylduskemmtun að Hömrum þar sem unga kynslóðin finnur eitthvað við sitt hæfi. Þarna verða Solla stirða og Íþróttaálfurinn, Skoppa og Skrítla, karamelluflug, andlitsmálning og fleira skemmtilegt. Á sunnudaginn, sjálfan sjómannadaginn verður dagskrá í Hofi og líf og fjör verður á Pollinum. Boðið verður upp á tónlist, fræðslu um síldveiðar á Íslandi og sjóstangveiði svo dæmi sé tekið, sýnd verða bátalíkön úr smiðju Gríms Karlssonar, trúðurinn Wally, heiðranir tengdar sjómennsku og strandmenningu og auðvitað verður tekist á í róðrakeppni og koddaslag. Félagar úr Siglingaklúbbnum Nökkva kynna siglingaíþróttina, sýna félagssvæði sitt og bjóða upp á bakkelsi.
Þetta er aðeins brot af því sem verður í boði á sjómannahelginni á Akureyri. Nánari upplýsingar um dagskrána og tímasetningar er að finna á www.visitakureyri.is
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
