Sigfús sækist eftir 2.-4. sæti hjá Framsókn í Norðausturkjördæmi
Sigfús Karlsson
Sigfús Karlsson hefur ákveðið að sækjast eftir 2.-4. sæti á lista Framsóknarflokksins í Norðausturkjördæmi. Sigfús er 47 ára að aldri, fæddur og uppalinn Akureyringur með víðtæka reynslu úr atvinnulífi í bænum, félagsstörfum og starfi innan Framsóknarflokksins, bæði á vettvangi bæjarmála og kjördæmisins. Sigfús er framkvæmdastjóri bókhaldsskrifstofunnar Framtals sf. á Akureyri sem hann hefur starfrækt í 20 ár með fjölskyldu sinni.
Sigfús hóf afskipti af stjórnmálastarfi á níunda áratugnum. Hann starfaði m.a. innan Sambands ungra framsóknarmanna og sat sem fulltrúi þess þing ungliðahreyfinga miðjuflokka í Noregi árið 1988. Sigfús átti sæti á lista flokksins til bæjarstjórnar Akureyrar árið 1986 og sat í stjórn Verkmenntaskólans á Akureyri í upphafi tíunda áratugarins. Sigfús hefur gegnt fjöldamörgum trúnaðarstörfum fyrir Framsóknarflokkinn á undanförnum árum, til að mynda sem formaður Framsóknarfélags Akureyrar.
Sigfús var í 3. sæti á lista flokksins til bæjarstjórnar árið 2010 og hefur setið sem varamaður í bæjarstjórn á yfirstandandi kjörtímabili. Hann er aðalmaður í Framkvæmdaráði Akureyrarkaupstaðar, situr í stjórn Fasteigna Akureyrarbæjar og er áheyrnarfulltrúi flokksins í stjórn Akureyrarstofu. Sigfús var í 9. sæti á lista Framsóknarflokksins í Norðausturkjördæmi árið 2003, skipaði 6. sæti í kosningunum 2007 og 4. sæti í kosningunum árið 2009. Hann sat um tíma sem varamaður á Alþingi síðveturs 2008.
Ég hef á löngum tíma aflað mér víðtækrar reynslu sem nýtist í pólitísku starfi á landsvísu og það er sannarlega verk að vinna. Heimilin í landinu hafa á þessu kjörtímabili setið eftir og sem bókari og ráðgjafi fyrir fjölda fólks hef ég séð mjög mörg skýr dæmi þess hvernig þyngri byrði skatta og stórfelld lækkun vaxtabóta hefur leikið heimilin og fjölskyldurnar. Fyrir hönd þessa fólks verður að tala skýrt og snúa blaðinu við inni á Alþingi. Við verðum líka að snúa vörn í sókn í atvinnumálum hér í kjördæminu, tryggja bætur í samgöngumálum, heilbrigðismálum, löggæslu og ekki síður hvað varðar fjarskiptin. Þau eru snar þáttur í lífsgæðum nútímans og væri nær að stjórnvöld beittu sér fyrir því að tryggja þegnunum jöfn lífsgæði áður en þau snúa sér að því að breyta vægi atkvæða. Kosningarnar í vor snúast um fólkið í landinu og ég hef fullan hug á að leggja hönd á plóg. Þess vegna býð ég fram krafta mína, segir Sigfús, í tilkynningu til fjölmiðla.
Eiginkona Sigfúsar er Guðrún Rúnarsdóttir. Börn þeirra eru fjögur á aldrinum 14-21 árs.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
