Sækist eftir 2.-3. sæti á framboðslista Sjálfstæðisflokksins í NA kjördæmi
Erla Sigríður Ragnarsdóttir
Erla Sigríður Ragnarsdóttir framhaldsskólakennari býður sig fram í prófkjöri Sjálfstæðisflokksins í Norðausturkjördæmi vegna komandi alþingiskosninga. Hún óskar eftir stuðningi í 2.-3. sætið.
Erla er fædd árið 1967, er uppalin á Egilsstöðum en býr nú í Hafnarfirði ásamt eiginmanni og þremur börnum. Hún lauk stúdentsprófi frá Menntaskólanum á Egilsstöðum, er með Cand. Mag gráðu í sögu og stjórnmálafræði frá Háskólanum í Árósum og hefur jafnframt stundað meistaranám í opinberri stjórnsýslu við Háskóla Íslands og lokið diplómunámi í stjórnun og fræðslu. Hún kennir sögu við Flensborgarskólann í Hafnarfirði og er sviðsstjóri félagsgreina við skólann.
Stjórnmál hafa alltaf verið Erlu hugleikin og vill hún leggja sitt af mörkum til þess að auka tiltrú Íslendinga á Alþingi, skapa jákvæð og mannleg stjórnmál þar sem gengið er hiklaust til verka og orðræðan er vönduð. Erla er lýðræðissinni og styður hugmyndir um aukna þátttöku fólksins. Hún treystir fólki til að taka skynsamar og upplýstar ákvarðanir í stórum málum jafnt sem smáum.
Erla hefur áhyggjur af undirstöðum velferðakerfisins og telur mikilvægt að huga að sjúkraflutningum við landsbyggðina og styrkja grunnþjónustuna heima í héraði. Hún segir: ,,Ég geri mér grein fyrir því að eina leiðin til að styrkja þessar grunnstoðir samfélagsins er að huga að atvinnulífinu og til þess treysti ég Sjálfstæðisflokknum best. Ég vil taka þátt í því að byggja hér upp öflugt atvinnulíf. Mestu skiptir þar um að veita atvinnulífinu það svigrúm og frelsi til að standa á eigin fótum og verða arðbært til framtíðar. Tækifærin til þess eru svo sannarlega til staðar á Norður- og Austurlandi; í ferðaþjónustu, iðnaði, hátækni og skapandi greinum. Nýtum tækifærin - þannig mun okkur öllum farnast best.
(fréttatilkynning)
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
