Ritstjóri Akureyrar vikublaðs sýknaður
Björn Þorláksson
Siðanefnd Blaðamannafélags Íslands hefur úrskurðað að Björn Þorláksson, ritstjóri Akureyrar vikublaðs, hafi ekki brotið siðareglur félagsins með frétt sem bar fyrirsögnina Sýnkaður af níði passar börn. Fréttin birtist í blaðinu um miðjan janúar og kærði maðurinn sem fjallað er um í fréttinni málið til siðanefndarinnar.
Kærandinn telur að birting fréttarinnar, sem unnin sé eftir nafnlausri ábendingu, hafi ekki þjónað almannahagsmunum og framsetninguna megi jafna við nafnbirtingu. Við vinnslu fréttarinnar hafi blaðamaðurinn ekki reynt að hafa samband við kæranda til þess að koma á framfæri sjónarmiðum sínum. Þá sé skaðinn ekki einungis kæranda, heldur einnig meints fórnarlambs og allra þeirra sem standa kæranda næst.
Kærandi er ekki nafngreindur í fréttinni og siðanefnd fellst ekki á að birtingu fréttarinnar megi jafna við nafnbirtingu.
Siðanefndin segir ekki verða annað séð en að fréttin byggi á traustum heimildum enda liggi ekki annað fyrir en að hún sé efnislega rétt. Við vinnslu fréttarinnar leitaði blaðamaður staðfestingar hjá Akureyrarbæ á því að fréttin væri efnislega rétt, að einstaklingur, sem sýknaður hefði verið af ákæru um kynferðisbrot gegn barni, starfaði við daggæslu þar í bæ, segir í úrskurði siðanefndar.
Kærði, Björn Þorláksson, telst ekki hafa brotið gegn siðareglum við umfjöllun sína undir fyrirsögninni Sýknaður af níði passar börn, sem birtist á vefnum akureyrivikublað.is 17. janúar 2013 og í vikublaðinu Akureyri 18. janúar.
karleskil@vikudagur.is
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
