Rausnarleg gjöf frá nemendum Síðuskóla til barnadeildar SAk
Nemendur Síðuskóla gerðu það heldur betur gott. Myndir sak.is
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
Við afhendinguna, sem fór fram í skólanum 2. júní, tók Elma Rún Ingvarsdóttir, sérfræðingur í barnahjúkrun á SAk, á móti gjöfinni. Hún segir það alltaf jafn dýrmætt þegar samfélagið styður við deildina – og sérstaklega þegar það kemur frá börnum sjálfum: „Það var ótrúlega hlýlegt og fallegt að fá þessa stóru gjöf frá nemendum í Síðuskóla. Ég þakkaði þeim kærlega fyrir hönd Barnadeildarinnar og sagði þeim að því miður þyrftu börn stundum að dvelja inni á sjúkrahúsi – og þá viljum við að þeim líði sem best,“ segir Elma Rún og bætir við
„Við ætlum að nota styrkinn til að kaupa Lazyboy stóla inn á stofur barnanna. Þeir nýtast bæði börnum og foreldrum þegar þau dvelja hjá okkur – sérstaklega þegar börn þurfa að vera í einangrun og eru föst inni á stofu. Þá skiptir miklu máli að geta haft það notalegt, hvort sem er til að kúra, lesa eða hvílast.“
Að sögn Elmu Rúnar skiptir samfélagslegur stuðningur sköpum í starfi deildarinnar: „Án samfélagsins væri Barnadeildin ekki eins vel útbúin og við viljum að hún sé. Við höfum verið svo heppin að njóta frábærs stuðnings í gegnum tíðina – og þessi gjöf frá börnum í Síðuskóla er dásamlegt dæmi um það.“
Á sviðinu við afhendinguna stóðu fulltrúar bekkjanna þriggja ásamt Hafdísi Maríu Tryggvadóttur kennara. Með gjöfinni fylgdi fallegt kort þar sem stóð:
„Kæra Barnadeild, í dag 2. júní leggjum við inn á styrktarreikning SAk 550.000 kr. Okkur í 5., 6. og 7. bekk Síðuskóla tókst að safna þessu með sölu á munum og kaffi á Barnamenningarhátíð í apríl. Við vonum að peningurinn nýtist ykkur vel. Kveðja, 5., 6. og 7. bekkur Síðuskóla.“
Sjúkrahúsið á Akureyri þakkar nemendum og starfsfólki Síðuskóla kærlega fyrir dýrmætan stuðning og hlýhug
Frá þessu segir á heimasíðu SAk.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
