Öxnadalsheiðin ófær fram að helgi
Mikið fannfergi er fyrir norðan.
Miðað við veðurspána er ekki útlit fyrir að það verði mokað á Öxnadalsheiðinni fyrr en á laugardagsmorgun, segir Sigurður Jónsson yfirverkstjóri hjá Vegagerðinni á Akureyri. Vonsku veður og ófærð er víða um land og er m.a. ófært og stórhríð á flestum vegum í kringum Akureyri. Átta flutningabílar sátu fastir í Öxnadalsheiðinni í morgun og að sögn Sigurðar tók hálfan daginn að koma bílunum niður af heiðinni. Það er gífurlega mikill snjór á heiðinni og útlitið ekki gott, segir hann. Hins vegar er fært á milli Akureyrar og Ólafsfjarðar, en varað er við snjóflóðahættu í Ólafsfjarðarmúla. Þá er snjóþekja og skafrenningur frá Akureyri til Dalvíkur.
Veðurspáin næstu daga samkvæmt Veðurstofu Íslands er þannig að búast má við norðaustan 20-25 m/s og slydda eða snjókoma á N-verðu landinu, en sums staðar hvassari á annesjum. Dregur heldur úr vindi í kvöld og nótt. Mun hægari og stöku skúrir eða él syðra, 10-15 þar með kvöldinu. Norðan 18-23 m/s á morgun og víða dálítil snjókoma eða él, en úrkomulítið SV-til. Hiti 0 til 5 stig S-til að deginum, en annars kringum frostmark.
Nýjast
-
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni
