Orkuskattur gæti haft afgerandi áhrif á rekstur Becromal
Starfsemi í aflþynnuverksmiðju Becromal hófst í Krossanesi fyrir skömmu og nú þegar er búið að taka í notkun sex af 62 vélum verksmiðjunnar. Gauti segir ráðgert að allar vélar verksmiðjunnar verði komnar í gang árið 2011. Alls starfa rúmlega 30 manns í verksmiðjunni en þegar hún verður komin í fullan gang verða starfsmenn um 90 talsins.
Gauti segir að til greina komi að stækka verksmiðjuna umtalsvert í framtíðinni en að hugmyndir um frekari skatta og gjöld gætu breytt þar miklu. "Á lóðinni er rými til að stækka verksmiðjuna um helming og við erum með orkusamning um tvöföldun framleiðslunnar. Ef til stækkunar kemur myndi starfsmönnum fjölga að minnsta kosti um 30 og þá myndu starfa hér rúmlega 120 manns. Ákvörðun um hvort af stækkun verður eða hvenær, verður þó ekki tekin fyrr en á næsta ári. Ef ekkert breytist verður ráðist í stækkun en hugmyndir um frekari skatta og gjöld sem nú hafa verið kynntar, gætu breytt miklu og þá er hætta á að rekstrarforsendur verksmiðjunnar sem við vorum að gangsetja séu brostnar. Miðað við fyrirliggjandi forsendur á verksmiðjan að skila hagnaði, svo framarlega sem að ekki verði lagðir á reksturinn furðulegir skattar og skyldur. Það rekur enginn fyrirtæki með tapi til lengdar," segir Gauti.
Hann segir það mjög eðlilegt í rekstri fyrirtækja, ekki síst fyrirtækja sem tengjast iðnaði, að hagnaður fyrir afskriftir sé á bilinu 4-6% af veltu. "Það þykir mjög gott að ná 10% hagnaði og það eru sérstök fyrirtæki sem ná 15% hagnaði. Ef verið að tala um eina krónu á kílówattstund aukalega á okkur, mun það vera eitthvað sem skilur á milli hagnaðar og taps þar sem starfsemin hjá okkur er mjög orkufrek. Fjárfestar forðast allt það sem heitir hringl með skatta og gjöld á fyrirtæki og þeir forðast lönd þar sem hlutunum er þannig háttað. Það er líka talað um pólitíska áhættu og ég myndi segja að hún væri frekar há á Íslandi þessa stundina," sagði Gauti.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.