Nýsköpun og tækni skapa raunhæf tækifæri
Bergþóra Þórhallsdóttir
Nýsköpun
Það felast mörg tækifæri í nýsköpun og tækni. Þau tækifæri þarf að nýta. Á Akureyri eru dæmi um störf sem unnin eru í fjarvinnu með aðstoð tækninnar. Í því felast dýrmæt lífsgæði fyrir einstaklinga, fjölskyldur og íbúasamfélagið allt. Það er mikilvægt að við sem höfum áhrif á mótun einstaklinga og menntun gerum ráð fyrir því að þessi möguleiki er staðreynd í nútímasamfélagi og nýtum tækifærin sem tæknin býður upp á. Nýsköpun með aðstoð tækninnar afmáir öll landamæri í uppbyggingu nýrra fyrirtækja og jafnar tækifæri landsmanna til atvinnusköpunar. Unga fólkið gerir sér grein fyrir að allur heimurinn er undir. Trú á hugmynd getur fleytt fyrirtækjum langt og það þarf jafnvel ekki meira umfang en einn sæstreng til að flytja hugmyndir á milli landa. Með því að við hlúa að þessum sprotum mannauðar strax í upphafi aukast líkurnar á því að virðið og verðmætasköpun nýrra hugmynda verði eftir heima í héraði. Krafan um afnám gjaldeyrishafta er hér brýnt forgangsmál.
Kenna þarf tækninotkun
Stefnumótun í uppeldi og menntun sveitarfélagsins er mikilvæg forsenda fyrir framfarir á þessu sviði. Börn og unglingar eru að mótast af óheftum aðgangi að miklu rafrænu efni sem við fullorðna fólkið þurfum að aðstoða þau við að greina, meta og umgangast. Þetta er tiltölulega nýtt hlutverk sem okkur er falið og sjálf erum við að læra að fóta okkur í þessu breytta umhverfi. Kynslóðin sem er að vaxa upp er móttækileg fyrir tækninni og við gerum okkur grein fyrir að tæknin er að breyta samfélaginu. Hún er að breyta því hvernig við störfum, lærum, kennum og hegðum okkur. Í daglegu tali ber þessi þróun gjarnan á góma og við veltum vöngum yfir því hvert tæknin muni leiða okkur. Um leið og við lærum að nýta tæknina er mikilvægt að eygja þá möguleika sem í henni felast. Við þurfum að læra að umgangast tæknina til gagns og gera ráð fyrir henni í daglegu lífi á skynsamlegan hátt. Við eigum að stjórna tækninni en ekki hún okkur og það sem meira er, við þurfum að ala upp kynslóðir sem kunna að fóta sig í þessum tæknivædda heimi. Verkefnið er ærið.
Bergþóra Þórhallsdóttir.
Bergþóra er aðstoðarskólastjóri og sækist eftir 1. - 2. sæti í prófkjöri Sjálfstæðisflokksins á Akureyri
Nýjast
-
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ.
