Nýja forystu í bæjarstjórn
Gunnar Gíslason
Á laugardag fer fram prófkjör Sjálfstæðisflokksins á Akureyri. Sjálfstæðisfólk í bænum vill vera hluti af kraftmiklu starfi sem hefur raunveruleg áhrif til góðs í samfélaginu og þar sem tekið er tillit til sjónarmiða allra íbúanna. Til að svo megi verða þarf öflugan og trúverðugan lista. Fólkið í flokknum getur gert slíkan lista að veruleika með virkri þátttöku í prófkjörinu og málefnavinnu í kjölfarið.
Í þeirri málefnavinnu vil ég að sérstök áhersla verði lögð á að styðja við og efla fyrirtækin í bænum, menningu og ferðaþjónustu, íþrótta-, tómstunda- og skólastarf, heilsugæslu og aðra velferðarþjónustu. Það vil ég gera með því að efla samráð við fyrirtæki, stofnanir og íbúa; leggja rækt við að hlusta og móta skýra sýn til lengri tíma. Ég óska eftir stuðningi þínum til að leiða það starf.
Sjálfstæðisflokkurinn var við stjórnvölinn á Akureyri á fyrsta tug þessar aldar. Á þeim tíma átti sér stað mikil uppbygging. Íbúum fjölgaði sem aldrei fyrr og Akureyri komst á kortið sem öflugt sveitarfélag með góða og mikla þjónustu við íbúa sína. Akureyri hefur verið og á að vera vænlegur kostur fyrir þá sem leita sér að búsetu í fjöslkylduvænu umhverfi.
Nú er lag fyrir flokkinn að ná aftur fyrri stöðu sem öflugasta stjórnmálaaflið í bænum.
Úrslitaáhrif mun hafa að allt sjálfstæðisfólk taki virkan þátt í prófkjörinu á laugardag og sýni í verki vilja sinn til að hafa áhrif. Þá skiptir einnig máli að hvetja sem flesta til að ganga í flokkinn og taka þátt í kjörinu. Þannig geta íbúarnir haft áhrif á það hvaða fólk skipar listann sem mun óhjákvæmilega hafa gríðarleg áhrif á það hvernig útkoman verður í sveitarstjórnarkosningunum í vor. Ég óska eftir stuðningi þínum til að stýra Sjálfstæðisflokknum til forystu á ný á Akureyri og hvet þig til að taka þátt í prófkjörinu á laugardag.
Gunnar Gíslason.
Höfundur er fræðslustjóri á Akureyri og sækist eftir 1. sæti í prófkjöri Sjálfstæðisflokksins
Nýjast
-
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ.
