Nú förum við alveg að breytast í slím
Drinni & The Dangerous Thoughts treður upp á Akureyri Backpackers annað kvöld þegar hitað verður upp fyrir Þegar Mannfólkið Breytist í Slím. Mynd/Aðsend.
Á morgun, fimmtudaginn 19. júní fara fram aðrir upphitunartónleikar af þremur fyrir menningarhátíðina Mannfólkið breytist í slím. Tónleikarnir fara fram á Akureyri Backpackers þar sem fram koma Drinni & The Dangerous Thoughts, Oscar Leone og DJ Mamalón. Tónleikarnir hefjast klukkan 21.
Drinni & The Dangerous Thoughts er hugarfóstur Andra Kristinssonar sem hefur verið iðinn við tónlistarsköpun og tónleikahald undanfarin ár. Síðustu útgáfur Drinna eru breiðskífan “Hávær ljóð” sem kom út 2022 og smáskífan “Nihilism Manifest - Best að vera farinn” sem kom út síðla árs 2023. Lengst af bjó Drinni á Akureyri en gerir nú út frá Ghent í Belgíu og því ljóst að nærvera hans er mikill fengur fyrir Akureyringa þetta sumarið.
Oscar Leone er hliðarsjálf Péturs Óskars sem er ekki síður reynslumikill tónlistarmaður en hann hefur sent frá sér efni með reglulegu millibili síðustu ár, til að mynda “Train of Love” og “Hræddir litlir strákar” árið 2024. Auk þess að vera afkastamikill við tónlistarsköpun á Oscar Leone einnig farsælan feril að baki sem leikari í sjónvarpsþáttum og bíómyndum.
Hefð hefur skapast fyrir röð upphitunartónleika í aðdraganda menningarhátíðarinnar Mannfólkið breytist í slím til að vekja athygli á verkefninu og koma hreyfingu á tónlistarsenu Akureyrar og þá sérstaklega það mengi sem syndir fjarri meginstraumum. Það er listakollektífið og útgáfufélagið MBS á Akureyri sem stendur að Mannfólkið breytist í slím en hátíðin hefur verið haldin allt frá árinu 2018 með sérstaka áherslu á listafólk úr nærumhverfinu þar sem frumleiki og fjölbreytni atriða hefur orðið aðalsmerki verkefnisins.
Röð atriða á upphitunartónleikunum 19. júní er:
21:00 - Oscar Leone
21:40 - Drinni & The Dangerous Thoughts
22:30 - DJ Mamalón
Nýjast
-
Gangbraut sem virðist svífa í lausu lofti
Um helgina var máluð þrívíddargangbraut yfir Listagilið á móts við Listasafnið. Sambærileg gangbraut hefur áður verið máluð á Ísafirði og hlotið talsverða athygli. -
Nú förum við alveg að breytast í slím
Á morgun, fimmtudaginn 19. júní fara fram aðrir upphitunartónleikar af þremur fyrir menningarhátíðina Mannfólkið breytist í slím. Tónleikarnir fara fram á Akureyri Backpackers þar sem fram koma Drinni & The Dangerous Thoughts, Oscar Leone og DJ Mamalón -
Börnunum finnst vanta rusladall
Börn á leikskólanum Klöppum fara mikið í Kvenfélagsreitinni. Þeim þykir ruslið og mikið og steininn tók út þegar poki með hundakúk fannst á svæðinu. Þau biðja bæjarstjóra um að redda rusladalli á svæðið. -
Veglegur styrkur kvennakvölds Þórs og KA
Ár hvert fer fram glæsilegt kvennakvöld Þórs og KA og afhenti kvennakvöldsnefndin kvennaliðum félaganna veglega styrki á mánudaginn í leikhléi í leik Þórs/KA og Breiðabliks í Boganum. Hver deild fékk í ár styrk að upphæð 1,5 milljónir sem kemur sér ansi vel í rekstri liðanna okkar. -
Dúxar komu frá Dalvík
Menntaskólanum á Akureyri slitið í 145. sinn -
Þingeyjarsveit - Ásdís og Yngvi Ragnar hljóta menningarverðlaunin
Menningarverðlaun Þingeyjarsveitar eru veitt þeim einstaklingum, hópi eða félagasamtökum, sem hafa á einhvern hátt þótt skara fram úr og lagt sitt af mörkum við að efla menningarstarf í sveitarfélaginu. Það er á höndum íþrótta-tómstunda- og menningarnefndar að gera tillögu að því hver hlýtur viðurkenningu fyrir framúrskarandi menningarstarf með hliðsjón af tilnefningum og ábendingum. -
Hvolpasveitin sló í gegn hjá þeim yngstu
Það var margt um manninn á 17. júní hátíðarhöldum í Lystigarðinum í gær en meðal ungviðisins var það helst Hvolpasveitin sem heillaði alla uppúr skónum. -
Evrópuleikur KA verður á Akureyri í lok júlí
Það ríkir mikil gleði og þakklæti í herbúðum KA, nú þegar ljóst er að félagið fær að spila heimaleik sinn í 2. umferð Sambandsdeildarinnar á Akureyri – eftir að UEFA veitti félaginu sérstaka undanþágu til leikjahalds á Greifavellinum í fyrstu tveim umferðum Sambandsdeildarinnar. Eins og fram hefur komið situr KA hjá í fyrstu umferð og mun því spila fyrsta leik sinn í Sambandsdeildinni í 2. umferð. -
Húni ll EA siglir í dag í tilefni þjóðhátíðardagsins
Boðið verður upp á siglingu með Húna II kl. 16.30. Siglt er frá Fiskihöfninni norðan við ÚA, beint neðan við Hagkaup. Siglingin er 45 mínútna löng. Bætt verður við annarri siglingu kl. 17.15 ef þörf verður á.
