Nautalund með Duxelle fyllingu
Jónína Björnsdóttir sér um matarkrók vikunnar og kemur með uppskrift að nautasteik eftir allt reykta kjötið um hátíðirnar.
Innbökuð Nautalund
fyrir 4-6
600-700 g nautalund
1 msk. smjör
½ tsk. salt
¼ tsk. svartur pipar
3-4 smjördeigsplötur
Egg til að pensla
Duxelle fylling
1 stk. karlottulaukur
200 g sveppir
1-2 msk. smjör
2 msk. tómatpuré
¼ tsk. svartur pipar
½ tsk. salt
1 eggjarauða
Aðferð:
Snöggsteikið kjötið á pönnu til að loka því, kryddið og kælið. Fínhakkið lauk og sveppi og steikið á lágum hita þar til allur vökvi hefur gufað upp, bætið í tómatpuré og kryddi og sjóðið þar til maukið er alveg þurrt, takið af hellunni og kælið bætið eggja rauðunni í og kælið að fullu. Smjördeigsplöturnar eru lagðar
saman og breiddar út í ferning ca 25x30 cm, Duxellemauki smurt á deigið, kjötið lagt ofaná og restinni af
maukinu smurt á kjötið. Penslið kantana á deiginu með eggi og víxlleggið því yfir kjötið, brettið síðan endana upp og passið að pakkinn sé alveg þéttur. Setjið pakkann í eldfast mót með samskeytin niður gerið 2-3 göt í deigið penslið með eggi og látið hvíla í 15-20 mín. Bakið í ofni við 200°C í 30-40 mín.
Gott er að hafa rauðvínssósu með og látum við því uppskrift af henni fylgja með.
Rauðvínssósa
1 stk. laukur (t.d karlottu)
1 hvítlauksrif
1 msk. smjör
1 ½ dl kjötkraftur
2 dl rauðvín
½ tsk. timjan
svartur pipar
1 lárviðarlauf
2 tsk. rifsberjahlaup
Aðferð:
Hakkið lauk og hvítlauk steikið í smjörinu bætið kryddi,kjötkrafti og helmingnum af rauðvíninu útí og
sjóðið niður til hálfs. Sigtið, bætið restinni af rauðvíninu útí og látið suðuna koma upp, bræðið smjör í potti hrærið hveiti saman við og bakið sósuna upp bragðbætið með rifsberjahlaupi.
Súkkulaðimústerta
200 g marsipan
2 egg
1 msk. kakó
Fylling:
150 g suðusúkkulaði
3 egg
1-2 msk. sterkt kalt kaffi
1 msk. koníak (má sleppa)
2 dl rjómi
Aðferð:
Rífið niður marsípanið setjið eggin saman við og þeytið vel bætið kakóinu við í lokin. Setjið í form og bakið
neðarlega í ofni við 175°í ca. 20 mín., kælið og setjið á fat. Bræðið súkkulaðið kælið aðeins og hrærið síðan einu eggi saman við, skiljið hin tvö eggin og hrærið gulurnar eina í einu saman við súkkulaðið síðan kaffið og e.t.v koníak. Stífþeytið eggjahvíturnar og blandið saman við þeytið síðan rjómann og blandið öllu vel saman. Setjið botninn aftur í formið hellið músinni yfir og frystið.
Nýjast
-
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn.
