Múmínskógur tekur á sig mynd
Þeir Krzysztof, Mariusz og Arek komu frá Póllandi til að reisa kastalann nýja í Kjarnaskógi. Myndir/Skógræktarfélag Eyfirðinga.
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið.
„Við ætlum að útbúa sér svolítinn Múmínskóg inni í Kjarnaskógi og ég á frekar von á að hann muni njóta vinsælda,“ segir Ingólfur Jóhannsson framkvæmdastjóri Skógræktarfélags Eyfirðinga.
Fékk turninn upp í hendurnar
Forsagan er sú að félagið fékk turninn upp í hendurnar og þá varð að gera eitthvað gott úr því. Ákveðið var að fara alla leið, reisa kastalann á góðum stað með útsýni yfir Kjarnavöll en Ingólfur segir að með því að koma honum þar fyrir hafi síberíulerkilundurinn öðlast nýtt líf sem Múmínskógur, eins konar sjálfstæð eining innan Kjarnaskógar.
Mía litla er þegar til og hefur henni verið komið fyrir í Múmínskógi við nýja kastalann. Fleiri persónur úr Múmínævintýrunum munu síðar líta dagsins ljós og flytja inn í skóginn. „Við ætlum líka að smíða fleiri leiktæki, brú og skip og gera þetta svæðið að sannkölluðum ævintýraskógi,“ segir Ingólfur.
Sumarið fer vel af stað
Hann segir sumarið í Kjarnaskógi fara vel af stað og ánægjulegt að það hófst snemma.„Það skiptir miklu að nú í ár gátum við hafið vorverkin í lok apríl en ekki um 17. Júní eins og í fyrra. Það er því allt komið í fullan gang og gaman að sjá hversu margir sækja Kjarnaskóg heim á hverjum degi. Fjöldinn eykst má segja ár frá ári og svæðið nýtur mikilla vinsælda,“ segir Ingólfur.
Nýjast
-
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið. -
Líf í lundum Lystigarðs
130 ár frá fæðingu Jóns Rögnvaldssona -
Innan við helmingur barna með fjölþættan vanda tekur þátt
Samkvæmt skýrslu um þátttöku barna í íþrótta- og tómstundastarfi á Akureyri,- Greining á þátttöku barna með fötlun og aðrar áskoranir í íþrótta- og tómstundastarfi og tillögur að úrbótum. -
Komið að skuldadögum
Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil. -
Spennandi Sæludagur í Hörgársveit
Sæludagurinn er viðburður sem hefur fest sig í sess í Hörgársveit. Upprunalega var um að ræða einn stóran viðburður sem var haldinn ár hvert á laugardegi um Verslunarmannahelgina, en árið 2023 var ákveðið að prófa að skipta deginum upp í tvennt og halda Sæludaginn í júní og fjölskylduhátíð á Hjalteyri um Verzlunarmannahelgina. -
Tvær nýjar sýningar í Safnahúsinu á Húsavík: Út úr skugganum og Bakslag
Á morgun, 20. júní kl. 18:00 opna tvær nýjar sýningar í Safnahúsinu á Húsavík. Þær fjalla báðar um hinsegin sögu, sýnileika og réttindi – hvor á sinn hátt. -
YST er listamaður Norðurþings 2025
Ingunn er fædd árið 1951 á Egilsstöðum og ein af fyrstu íbúum bæjarins. Hún lærði sálfræði á Íslandi og í Gautaborg í Svíþjóð, með sérhæfingu í barna- og fjölskylduráðgjöf. Hún starfaði á því sviði í áratug, fyrst hjá Dagvist barna í Reykjavík, þar sem hún sinnti yfir 30 leikskólum, og síðar sem fyrsti heilsugæslusálfræðingur landsins í Norður-Þingeyjarsýslu.
