Mugison í hringferð á gömlum eikarbáti
Húni II er hálfrar aldar gamall/mynd Karl Eskil
Verið er að undirbúa sextán tónleika víðsvegar um landið í sumar og mun tónlistarfólkið sigla með eikarbátnum Húna II EA á milli staða. Ráðgert er að leggja af stað 4. júlí frá Akureyri og verða fyrstu tónleikarnir á Húsavík. Hringnum verður svo lokað með tónleikum á Akureyri 21. júlí.
Jón Þór Þorleifsson rokkstjóri tónlistarhátíðarinnar Aldrei fór ég suður sér um skipulagningu tónleikanna. Hann segir of snemmt að tjá sig um málið, þar sem enn eigi eftir að ganga frá ýmsum samningum.
Meðal annars er verið að ræða við RÚV um að gerð sjónvarpsþáttar og einnig við heimafólk á viðkomandi stöðum þar sem haldnir verða tónleikar.
Örn Elías Guðmundsson Mugison er meðal þeirra sem rætt er um að komi fram á tónleikunum og mun Mugison sigla með Húna II, ásamt öðrum sem standa að tónleikunum.
Afmæli Húna II
Húni ll er 130 tonna eikarbátur, smíðaður hjá skipasmíðastöð KEA á Akureyri 1963. Húni ll er stærsta tréskip sinnar tegundar sem smíðað var hérlendis og er í mjög góðu standi og fullri notkun.
Alls voru smíðuð ellefu eikarskip sem mældust yfir 100 brt. og er Húni II eina skipið sem eftir er.
Í tilefni af fimmtíu ára afmælis Húna II fer skipið í hringferð um landið í sumar, farið verður frá Akureyri 11. mai. Skipið fer með öðrum orðum líklega í tvær hringferðir í sumar.
karleskil@vikudagur.is
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
