Mokstur Ránargötu á Akureyri óviðunandi að mati íbúa
Íbúi við Ránargötu á Akureyri segir snjómokstur óviðunandi. Hann fer fram á úrbætur og hefur sent Vikudegi ítarlegt bréf og nokkrar myndir máli sínu til stuðnings. Með því að tvísmella á myndirnar stækka þær.
Það er ekki hægt að neita því að sá hluti Ránargötu sem stendur sunnan Eyrarvegar er með þrengri götum bæjarins og oft á tíðum afar varasamur að aka um vegna þessa. Ég verð að segja að ég og aðrir íbúar suðurhluta Ránargötu erum orðnir langþreyttir á starfsháttum þeirra sem sjá um snjómokstur hér í götunni. Auðvitað hafa allir skilning á því að mikið hefur snjóað og afskaplega mikið að gera hjá þeim sem hafa þennan málaflokk á sinni könnu.
En þegar kemur að okkur í röðinni þá viljum við að viðkomandi skili af sér sómasamlegu verki. Það er okkar skoðun að svo hafi ekki verið í vetur því að nær einungis er hreinsuð aksturslínan en okkur ekki gert kleift að leggja bílum í götunni. Í einhver skipti þá hefur það gengið eftir en einungis ef maður hefur gert sér ferð út og átt orð við viðkomandi gröfumann og útskýrt málið fyrir honum.
Til útskýringa þá fór ég út í kvöld, 22. nóvember og tók myndir af því hvernig er skilið við götuna af hálfu mokstursaðila. Eins og sjá má þá er ekki nokkur leið að leggja bílum við austur kant götunnar svo að umferð komist fram hjá. Nú er það svo að allir húseigendur hafa stæði á lóðinni við húsin sín en margir eru með auka bíl, auk þess sem gestkomandi eiga þess ekki kost að leggja í götunni eins og mokstri hefur verið háttað í vetur.
Á þeirri mynd sem sýnir norðurenda götuhlutans og sést hvar bílum er lagt við austurkant má sjá að ekki er langt í girðinguna við vesturkantinn. Þegar snjóað hefur þá er afar varasamt að aka þarna um því ekki má mikið út af bera að bílar renni ekki annað hvort á kyrrstæða bifreið eða á girðinguna.
Fróðlegt er líka að bera saman myndirnar sem ég tók í Ránargötu og Hríseyjargötu. Þar fer ósanngjarn samanburður eins og myndirnar sýna.
Og hver getur svo skýringin verið?
Ein þeirra gæti verið að slökkviliðsstjóri bæjarins búi þar en sú sem ég tel líklegasta er að mokstursmenn eiga auðvelt með að losa sig við snjóinn úr Hríseyjargötunni á opið svæði sem er beint norður af Hríseyjargötunni en hreinlega nenni ekki að aka með snjóinn úr Ránargötunni og losa hann á þessu opna svæði.
Þetta ástand er algerlega óviðunnandi og verður að kippa í liðinn strax. Snjónum verður að koma í burtu úr götunni hvort sem grafan ekur með hann burtu eða honum sé ekið burtu á vagni eða vörubíl.
Með kærri kveðju og von um skjótar úrbætur,
Jón Einar Jóhannsson
Íbúi í Ránargötu 5 og útsvarsgreiðandi
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
