Mikil ásókn í Gospelkór Akureyrar - aldrei verið stærri
Mikil aukning hefur orðið í Gospelkór Akureyrar síðastliðna mánuði. Alls eru meðlimir kórsins í ár ríflega 50 talsins og enn sækir að. Kórinn samanstendur af áhugasöngfólki úr ýmsum áttum og er kórstjórnandinn Marína Ósk Þórólfsdóttir ekki nema 25 ára gömul. Þrátt fyrir ungan aldur hefur þessi Keflavíkurmær starfað sem tónlistakennari, kórstjóri og söngkona um árabil og stefnir nú í haust á rytmískt söngnám og bachelor gráðu á því sviði.
Framundan eru tónleikar hjá Gospelkórnum í Hofi menningarhúsi á Akureyri þriðjudaginn næstkomandi kl: 20 en þar verða flutt klassísk gospellög í bland við þekkt popp-og rokklög í gospelútsetningu.
Kórstjórinn lofar miklu fjöri og hressum tónleikum en ásamt kórnum kemur hinn alkunni Ívar Helgason fram. Ívar hóf leikferil sinn 11 ára gamall í titilhlutverki barnaóperunnar Litli sótarinn eftir Benjamin Britten í uppfærslu Íslensku óperunnar og hefur Ívar verið viðloðandi sviðið allar götur síðan.
Hann hóf söngnám við Tónlistarskólann í Hafnarfirði og síðar við Söngskólann í Reykjavík en haustið 2001 hóf Ívar nám við söngleikjadeild Tónlistarháskólans í Vínarborg og útskrifaðist með láði árið 2003. Ívar hefur komið fram í fjölda söngleikja til að mynda í Austurríki, Sviss, Þýskalandi og á Ítalíu en fluttist heim til Íslands árið 2007 ásamt fjölskyldu sinni.
Síðan þá hefur hann starfað hjá Þjóðleikhúsinu og hjá Leikfélagi Akureyrar ásamt því að starfa með ýmsum leiklistahópum og tekið þátt í vinsælum söngleikjum á borð við Óliver, Hárið og Gulleyjan svo eitthvað sé nefnt.
Við erum rosalega spennt að koma fram með Ívari. Hann er reynslubolti og er samspil kórsins og hans dínamískt. Það verður svaka stuð á okkur þarna og ég vona að fólk grípi tækifærið og lyfti sér upp á þriðjudagskvöldið og komi að sjá okkur, og svo kostar miðinn bara 2.500 kr. segir Marína hress.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
