Mikið talað en lítið framkvæmt
Sóley Björk Stefánsdóttir/mynd karl eskil
Sóley Björk Stefánsdóttir nýr oddviti Vinstri grænna á Akureyri segir mikilvægt að íbúar hafi greiðan aðgang að gögnum bæjarins, sem einhverra hluta vegna eru almennt ekki birt í dag.
Ég vil líka beita mér fyrir því að fundir nefnda og ráða verði opnari og aðgengilegri fólki. Fyrsta skrefið í þessum efnum er gagnsæið og ég mun beita mér fyrir úrbótum í þessum efnum. Til þessa hefur mikið verið talað, en lítið framkvæmt. Vinstri græn á Akureyri eru nú með einn bæjarfulltrúa. Andrea Hjálmsdóttir bæjarfulltrúi sækist ekki eftir endurkjöri. Samkvæmt nýrri skoðanakönnun fyrir Morgunblaðið fengi VG tvo fulltrúa, ef kosið væri í dag. Sóley Björk sér fyrir sér gott gengi í komandi kosningum. Markmiðið er að ná inn þremur bæjarfulltrúum. Andrea hefur unnið gott starf sl. fjögur ár og við höfum því góðan byr í seglin.
Ertu bæjarstjóraefni?
Okkar markmið er að stuðla að meirihlutasamstarfi félagshyggjuafla í bænum og sem oddviti VG skorast ég ekki undan þeirri ábyrgð komi sú staða upp. Núverandi bæjarstjóri hefur staðið sig mjög vel og mér líkar það fyrirkomulag sem nú er ágætlega.
Sóley er í ítarlegu viðtali í prentútgáfu Vikudags
Nýjast
-
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni
