Metsumar að baki hjá bílaleigu Höldurs
Höldur var með um 2100 bíla í umferð í sumar. „Það var oft mikið álag á starfsfólki okkar, mikið að gera og sem dæmi er hægt að nefna að þegar mest var afgreiddum við einn bíl á mínútu frá Keflavíkurflugvelli. Gott starfsfólk skiptir gríðarlega miklu máli og við erum þakklát fyrir hversu vel okkur hefur haldist á starfsfólki," segir Steingrímur
Hann segir að ferðamannasumarið hafi verið lengra en oft áður, bæði var meiri umferð lengra fram í ágúst en vant var og eins hófst hin eiginlega ferðamannatíð fyrr en oft áður, hálfum mánuði eða þremur vikum jafnvel. „Það er mjög gott að ferðasumarið er að lengjast í báða enda, það gengur ekki upp að allir séu á ferðinni sömu fjórar vikurnar í júlí."
Steingrímur segir metsumar að baki, bæði hvað varðar bókanir og eins veltu, en þar spili veikt gengi íslensku krónunnar inn í. Flestir bílar fyrirtækisins eru á erlendum lánum, en það vegur þungt á móti að tekjur eru í erlendri mynd, „þannig að við erum að því leytinu betur sett en mörg önnur fyrirtæki," segir Steingrímur.
Hann gerir ráð fyrir þungum vetri, samdráttur hafi oðið á innanlandsmarkaði í kjölfar kreppunnar og ekki við öðru að búast en hann verði viðvarandi næsta vetur líka. Bílaflotinn verður því gíraður niður og verða um 8-900 bílar í umferð hjá fyrirtækinu í vetur. Hins vegar megi allt eins gera ráð fyrir að aftur verið jafnmikið að gera næsta sumar og var nú í sumar.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
