Með eða á móti?
Í kosningabaráttu er ekkert þægilegra fyrir stjórnmálamenn en að umræðan snúist um mál sem skipta fólki í tvo hópa, með eða á móti. Umræðan snýst um að mála andstæðinginn annaðhvort svartan eða hvítan, upphrópanir ganga á víxl og pólitískur rétttrúnaður verður til sem gengur að umræðunni dauðri. Flókin málefni barin niður í eina setningu sem kemur vel út í auglýsingu. Eftir kosningar fara málin svo "óvænt" að flækjast, málamiðlanir verða nauðsynlegar og efndum er slegið á frest.
Kosningar snúast ekki bara um einstök mál, þó það megi halda ef fylgist er með yfirlýsingum í kosningabaráttu. Fyrir okkur kjósendur er mikilvægt að velja fulltrúa sem tekur ákvarðanir í takt við eigin lífsskoðanir. Það á jafnt við um mál sem eru í umræðunni í dag, sem og þau mál sem eiga eftir að koma upp.
Gott dæmi er umræðan um Evrópusambandið (ESB). Það er eitt að hafa þá skoðun að ESB sé ekki rétti kosturinn fyrir Íslendinga og þannig búast við að segja "nei" í væntanlegum kosningum, en það er allt annað og mun einstrengingslegra viðhorf að vilja slíta samræðum. Viljum við að landinu sé stjórnað af fólki sem telur sig ekki geta rætt málin og náð samningi sem síðan er lagður er fyrir þjóðina?
Við hjá Bjartri framtíð teljum að aðild gæti verið góður kostur fyrir þjóðina. Við viljum klára þær samningaviðræður sem nú eru langt komnar til þess að fullvissa okkur um að við skiljum kostina og gallana. Það vinnst ekkert með því að slíta samræðum á þessu stigi. Þannig upphlaup gæti líka sett EES samstarfið í óþarfa uppnám, einmitt nú þegar íslensk fyrirtæki þurfa stöðugleika í sínu rekstrarumhverfi.
Það að snúa umræðu um ESB upp í spurninguna "með eða á móti", án þess að vita hvað aðild þýðir fyrir íslenska þjóð, er lýðskrum. Þeir einu sem geta svarað þannig spurningu, án þess að hafa séð samninginn, eru þeir sem eru með eða á móti ESB vegna pólitísks rétttrúnaðar sem er búið að ala á í ýmsum flokkum.
Eins og George Orwell sagði í bókinni "1984" (lausleg þýðing mín): "Rétttrúnaður þýðir að hugsa ekki - að þurfa ekki að hugsa. Rétttrúnaður er meðvitundarleysi." Við hjá Bjartri Framtíð erum ekki meðvitundarlaus. Við erum vakandi og við viljum hugsa upp bestu lausnirnar og vinna með þeim sem vilja taka þátt í að færa Íslandi bjarta framtíð.
Preben Jón Pétursson
skipar 2 sætið fyrir Bjarta framtíð í Norðausturkjördæmi
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
