Málefni Akureyrar rædd við nýjan heilbrigðisráðherra
Við áttum mjög góðan fund þar sem við ræddum framtíð ýmissa verkefna og fjármögnun þeirra. Kristján Þór þekkir þessi verkefni vel sem fyrrverandi bæjarstjóri á Akureyri og nú þingmaður kjördæmisins til sex ára. Viðbrögð ráðherrans voru mjög jákvæð og hann er tilbúinn að leita allra leiða til að koma til móts við óskir okkar. Hann gerði okkur samt grein fyrir erfiðri stöðu ríkissjóðs, segir Eiríkur Björn Björgvinsson bæjarstjóri á Akureyri, sem heimsótti Kristján Þór Júlíusson heilbrigðisráðherra í gær ásamt Margréti Guðjónsdóttur framkvæmdastjóra Heilsugæslustöðvarinnar á Akureyri.
Við fórum yfir rekstur Heilsugæslustöðvarinnar á Akureyri og aukið álag á starfsfólk stofnunarinnar og þörfina fyrir aukið fjármagn, meðal annars til að styrkja reksturinn þar sem sveitarfélagið hefur veri að hlaupa undir bagga vegna hallarekstur stofnunarinnar.Við ræddum barna- og unglingageðlækningar á Akureyri og þörfina fyrir tryggari og öruggari þjónustu á því sviði og einnig var farið yfir fjárframlög ríkisins til Sjúkrahússins á Akureyri og mikilvægi þess að efla og styrkja rekstur stærstu sjúkrastofnunar utan höfuðborgarsvæðisins, segir Eiríkur Björn.
Líknardeild á Akureyri var sömuleiðis á dagskrá fundarins í gær.
Ég spurðist fyrir um framhald vinnu vegna yfirfærslu málefna aldraðra frá ríki til sveitarfélaga og gerði ráðherranum grein fyrir því að sveitarfélagið gæti ekki staðið undir rekstri verkefna eins og heilsugæslu og öldrunarþjónustu sem fjármagna ætti af ríkinu, segir Eiríkur Björn Björgvinsson bæjarstjóri á Akureyri.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
