Leiklistarsambandið hefur áhyggjur af Leikfélagi Akureyrar
Samkomuhúsið á Akureyri
Leiklistarsamband Íslands lýsir yfir miklum áhyggjum af stöðu og framtíð atvinnuleiklistar á Akureyri og sendi í dag frá sér yfirlýsingu um málið.
Undanfarin ár hefur Leikfélag Akureyrar glímt við uppsafnaðan fjárhagsvanda, en á sama tíma haldið úti metnaðarfullri starfsemi. Lán sem félagið tók hjá Akureyrarbæ fyrir þremur árum til að forða gjaldþroti hefur verið greitt niður um 44 milljónir og stendur í tíu milljónum í lok leikárs.
Á sama tíma hefur samkeppni á sviði menningar og afþreyingar stóraukist og leikfélagið ekki lengur eitt um framboð á atvinnuleiksýningum á Akureyri líkt og á árum áður auk þess sem opinber framlög til framleiðslu hafa verið óbreytt að krónutölu síðan 2007. Þrátt fyrir þetta jókst sjálfsaflafé um 50% frá síðasta ári og sýningar og fræðslustarf, hafa gengið vel.
Eins og sakir standa lítur hins vegar út fyrir að starfsemi Leikfélags Akureyrar leggist niður. Gríðarleg þekking, listræn og tæknileg, hverfur eða nýtist ekki eða illa í samfélaginu. Öflugt fræðslustarf leggst af, sem og aðkoma vinnustofugesta og annarra listamanna sem leggja félaginu lið. Þar með væri stórt skarð höggvið í atvinnuleikhús utan höfuðborgarsvæðisins.
Það er álit fulltrúaráðs Leiklistarsambands Íslands að hér sé um að ræða. Óásættanlega afturför fyrir menningarlífið í landinu og hvetur bæjarráð Akureyrar til að standa vörð um atvinnuleikhús á Akureyri, segir í yfirlýsingu Leiklistarsambands Íslands.
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
