Krefjandi staða og mikil áskorun
Í vetur vaknaði grunur um myglu í húsnæði rannsóknardeildar SAk eftir að starfsfólk fór að finna fyrir óútskýrðum einkennum, á borð við þreytu og höfuðverk. Mynd/SAk.is
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram
Ákveðið hefur verið að flytja alla starfsemi rannsóknardeildar Sjúkrahússins á Akureyri tímabundið í annað húsnæði á meðan ráðist er í viðamiklar endurbætur á núverandi húsnæði þar sem mygla hefur greinst þar.
Í vetur vaknaði grunur um myglu í húsnæði rannsóknardeildar SAk eftir að starfsfólk fór að finna fyrir óútskýrðum einkennum, á borð við þreytu og höfuðverk. Í fyrstu virtist vandinn afmarkaður, en nýjustu rannsóknir sýna að umfangið er mun meira en áður var talið – og að upptökin liggi líklega undir gólfum, frekar en í útveggjum líkt og áður var talið að því er fram kemur á vef SAk.
Starfsemin haldi áfram án truflana
„Þetta er krefjandi staða og mikil áskorun – ekki síst fyrir það öfluga starfsfólk sem heldur uppi þessari mikilvægu starfsemi. Það skiptir sköpum að aðbúnaður þess sé tryggður og að starfsemin geti haldið áfram án truflana,“ segir Hildigunnur Svavarsdóttir, forstjóri SAk. „Rannsóknardeildin gegnir lykilhlutverki í greiningu og meðferð sjúklinga og er burðarás í faglegu starfi spítalans.“
Unnið er að því af fullum krafti að tryggja öruggar lausnir fyrir starfsfólk og starfsemi rannsóknardeildar. Framkvæmdir eru nú í undirbúningi og lagt er upp með að þær fari fram eins hratt og örugglega og mögulegt er.
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
