Karl Eskil ráðinn ritstjóri Vikudags
Bjarni Hafþór Helgason afhendir Karli Eskil lyklavöldin að Vikudegi.
Þetta leggst vel í mig. Vikudagur er öflugt blað á Eyjafjarðarsvæðinu og nýtur virðingar fyrir vandaðan fréttaflutning, segir Karl Eskil Pálsson sem ráðinn hefur verið ritstjóri Vikudags. Hann sest í ritstjórastólinn nú um mánaðamótin. Hann er öllum hnútum kunnugur bæði í byggðum á Norðurlandi og sem fjölmiðlamaður, en hann starfaði í um tuttugu ár hjá Ríkisútvarpinu og síðustu árin sem sjálfstæður fjölmiðlamaður. Í mínum huga skiptir miklu máli hvernig ritstjórnarstefna blaðsins er, blaðið hefur að leiðarljósi að standa vörð um hagsmuni samfélagsins hér og miða umfjöllun sína um menn og málefni við það. Einnig skiptir máli að stærsti eigandi blaðsins er KEA og félagsmenn þar að baki eru næstum tuttugu þúsund. Það má því segja að eigendahópur Vikudags sé mjög stór og ræturnar eru norðlenskar. Sú staðreynd vó þungt þegar mér var boðið þetta starf, segir Karl Eskil.
Ætlum að efla blaðið
Bjarni Hafþór Helgason, stjórnarformaður Útgáfufélagsins ehf. sem gefur út Vikudag, segir áformað að efla blaðið. Við höfum tröllatrú á Karli. Hann býr yfir víðtækri þekkingu á málefnum hérna við Eyjafjörðinn. Við viljum efla blaðið enn frekar og sömuleiðis vefsetrið vikudagur.is. Útliti blaðsins verður væntanlega breytt á næstu vikum og með nýjum ritstjóra breytast efnistökin án efa eitthvað. Það sem skiptir mestu máli er að við höldum áfram að þjóna hagsmunum okkar samfélags og stuðla að uppbyggingu þess.
Fólkið leggur línurnar
Karl Eskil segir að útgáfa blaðs sé í eðli sínu verkefni sem kalli á samvinnu fjöldans. Við sem störfum við blaðið og vefinn skrifum fréttirnar auðvitað ekki sjálf, það er í raun og veru almenningur sem það gerir að stórum hluta. Góð tengsl við almenning og fyrirtæki skapa fréttirnar og við munum leitast við að treysta sambandið enn frekar. Áskrifendur Vikudags hafa haldið tryggð við blaðið, þannig að ég legg bjartsýnn af stað í þennan leiðangur, segir Karl Eskil. Fráfarandi ritstjóri er Kristján Kristjánsson. Hann ákvað að láta af störfum og snúa sér að búrekstri. Hann stýrði Vikudegi í nærri sjö ár. Við þökkum honum fyrir farsælt starf og óskum honum velfarnaðar á nýjum vettvangi, um leið og við bjóðum nýjan ritstjóra velkominn til starfa, segir Bjarni Hafþór Helgason.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
