KA vann toppliðið í kvöld
Heimamenn fengu fyrsta færi leiksins strax á 1. mínútu þegar Gyula Horvarth fékk sendingu inn í teig gestanna en skot hans fór hátt yfir markið. Eyjamenn fengu síðan fínt færi á 8. mínútu þegar Augustine Nsumba fékk frítt skot inn í teig heimamanna en skot hans fór beint í varnarmann KA. Þegar tvær mínútur voru til loka fyrri hálfleiks fengu heimamenn hornspyrnu. Dean Martin tók spyrnuna og Elmar Dan Sigþórsson var mættur til þess að taka við boltanum og þrumaði honum glæsilega í netið. Staðan í hálfleik, 1-0 fyrir heimamenn.
Eftir frekar jafna byrjun í seinni hálfleik tóku Eyjamenn fljótlega öll völd í leiknum, staðráðnir í því að jafna metin og þurfti Matus Sandor í marki KA- manna oft á tíðum á taka á honum stóra sínum. Það var svo stundarfjórðungi fyrir leikslok að gestirnir náðu að jafna metin, þar var að verki Ingi Rafn Ingibergsson er hann fékk sendingu inn í teig heimamanna og skoraði með góðu skoti. Staðan orðinn jöfn, 1-1. Steinn Gunnarsson kom inn á í lið KA- manna eftir jöfnunarmarkið og hann átti heldur betur eftir að minna á sig. Þegar tvær mínútur voru eftir af hefðbundnum leiktíma átti Andri Júlíusson sendingu inn í teig gestanna frá vinstri kanti og þar var Steinn Gunnarsson réttur maður á réttum stað og skoraði með góðu skoti í nærhornið og tryggði KA- mönnum öll þrjú stigin sem voru í boði í kvöld.
Eftir sigurinn í kvöld eru KA- menn komnir í fjórða sæti deildarinnar með 26 stig.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."