Íþróttahöllin 30 ára
Þetta er mjög fjölbreytt starf og það heldur manni í þessu. Ég er alltaf aðkynnast nýju fólki og það er yndislegt, segir Aðalsteinn Sigurgeirsson forstöðumaður Íþróttahallarinnar á Akureyri. Þann 5. desember sl. voru 30 ár liðin frá formlegri opnun hússins. Bygging Hallarinnar hófst árið 1977 og fimm árum síðar var hún tekin í notkun eða árið 1982. Aðalsteinn hefur starfað í Höllinni frá byrjun og fræddi Vikudag um húsið og starfsemina.
Íþróttahöllin er svo miklu meira en bara íþróttasalur. Hér fara fram viðburðir af ýmsu tagi á hverju ári, t.d. útskriftir, árshátíðir og þing. Sennilega fer fjölmennasta áfengislausa hátíðin á landinu fram hér á hverju ári þegar Menntaskólinn á Akureyri heldur sína árshátíð. Einnig voru hér 1300 manns í mat á árshátíð Akureyrarbæjar.
Þétt dagskrá
Margir álíta að hér sé ekkert um að vera þegar íþróttaleikir né aðrir stórir viðburðir eru ekki í gangi. Svo er aldeilis ekki. Hér er dagskrá frá átta á morgnana til ellefu á kvöldin. Þrír skólar, VMA, MA og Brekkuskóli, hafa íþróttaaðstöðu hér yfir daginn og svo taka íþróttafélögin við seinni partinn og fram á kvöld. Einnig er Heimahjúkrun á Akureyri með starfsemi í húsinu allan sólarhringinn. Það er því alltaf eitthvað um að vera.
Af íþróttafélögum á Akureyri sem hafa aðstöðu í Íþróttahöllinni má nefna Golfklúbbinn, Skákfélagið, Kraftlyftingafélagið, Skotfélagið og handknattleikslið Akureyrar í karlaflokki.
Samskiptin við alla þá, sem eru með aðstöðu og æfingar í Höllinni, hafa gegnumgangandi verið sérlega ánægjuleg öll þessi ár. Það skiptir miklu máli, segir Aðalsteinn.
Mikilvægt hlutverk
Íþróttahöllin gegnir mikilvægu hlutverki fyrir Akureyrarbæ. Flestum útskriftum og öðrum viðburðum sem fram fara í Höllinni fylgir ferðafólk, sem síðan verslar í bænum. Það er mikið framboð af veitingahúsum og annarri þjónustu hérna í bænum sem án efa nýtur góðs af því sem fram fer í Höllinni. Þannig að gildi hússins fyrir bæinn er óumdeilanlegt að mínu mati.
300.000 þúsund gestir á ári
Vinnudagurinn er jafnan annasamur hjá Aðalsteini en í Höllina koma um 300.000 þúsund manns að meðaltali á ári. Það tel ég þokkalegt í 18 þúsund manna samfélagi. Þannig að við sem störfum hérna höfum nóg að gera, segir Aðalsteinn, en auk hans eru fjórir fastir starfsmenn í Höllinni.
Dagarnir eru misjafnir en það er mest að gera þegar stórir viðburðir eru á dagskrá, t.d. þegar handboltaleikur á að fara fram um kvöldið fer allur tíminn frá hádegi í undirbúning. En þótt mikið sé að gera er alltaf gaman í vinnunni, hér hefur alltaf verið frábær starfsandi og gott starfsfólk. Að lokum vill Aðalsteinn koma að vísu sem vinur hans, Bjarni Hafþór Helgason, samdi í tilefni afmælis Hallarinnar. Hún er svohljóðandi:
Í Höllinni við getum hist
og hent að mörgu gaman.
Íþróttir og andans list
eiga gjarnan saman.
Nánar er rætt við Aðalstein í prentútgáfu Vikudags.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
