Innlend raforka knýr hverfisteypuofn í fyrsta sinn
Fjölmenni skoðaði verksmiðjuna á Dalvík í dag
Í dag var tekin í notkun stækkuð verksmiðja hverfisteypufyrirtækisins Promens Dalvík. Með tilkomu 840 fermetra viðbyggingar og þriðja hverfisteypuofnsins eykst framleiðslugeta verksmiðjunnar um 60%. Fyrirtækið er því vel í stakk búið að mæta aukinni eftirspurn á komandi árum. Nýi hverfisteypuofninn, sem ræstur var á Dalvík í dag, er einnig einstakur á heimsvísu því þetta er í fyrsta sinn sem ofn af þessari stærð er knúinn rafmagni í stað olíu- eða gasbrennara.
Mikilvægt að skipta yfir í græna orku
Eitt af markmiðum okkar í aðdraganda ákvörðunar um stækkun verksmiðjunnar hár á Dalvík var að finna leið til að nýta innlenda græna orkugjafa í stað olíubrennslunnar. Ofninn fáum við frá Reinhard, sama fyrirtæki og framleiddi eldri hverfisteypuofna fyrirtækisins sem hafa reynst mjög vel. Það eru miklir kostir við að skipta yfir í rafmagnið, bæði fyrir starfsmenn, umhverfið og hagstætt fyrir þjóðfélagið. Stefnan er að skipta um búnað í eldri ofnunum og að innan fárra ára verði framleiðsla Promens Dalvík alfarið keyrð á rafmagni. Það skiptir að okkar mati miklu máli að geta státað af þessu skrefi á mörkuðum okkar, segir Daði Valdimarsson, framkvæmdastjóri Promens Dalvík.
Nýi ofninn er keyrður í 400 gráðu hita en auk tæknibyltingarinnar með ofninum er í nýja húsinu öflugt blásturskerfi til kælingar á steypumótunum eftir að þau koma út úr ofninum. Promens Dalvík er því á margan hátt að stíga tækniskref inn í framtíðina, jafnframt því að vera betur í stakk búið fyrir sífellt aukna spurn eftir framleiðsluvörum fyrirtækisins.
Sjávarútvegurinn er þungamiðjan
Verksmiðjan hér á Dalvík er ein af fjórum verksmiðjum Promens hf. sem framleiðir plastker til notkunar í matvælaiðnaði. Framleiðslutæknin sem við höfum þróað hér á Dalvík undanfarna áratugi er grunnurinn í öllum þessum fjórum verksmiðjum í dag og héðan stýrum við kerjahlutanum og samræmum vöruþróunar-, framleiðslu- og sölumál. Héðan frá Dalvík hafa verið fluttar framleiðsluvörur til yfir 60 landa en okkar aðal markaðssvæði er Evrópa, segir Daði en framleiðsla fyrir sjávarútveg hefur allt frá upphafi verið þungamiðjan í vöruþróun og framleiðslu Sæplast-kerjanna.
Það er ekki síst vegna þess að við Íslendingar höfum átt öflugan og framsækinn sjávarútveg sem Promens hefur náð þeirri stöðu að vera leiðandi á heimsvísu í þróun og framleiðslu á einangruðum plastkerjum fyrir sjávarútveg. Undanfarin ár höfum við unnið markvisst í að koma okkur inn í aðra geira matvælaiðnaðarins. Áhugi kjötiðnaðarfyrirtækja á notkun kerjanna hefur til að mynda stöðugt farið vaxandi og hann á ekki síst sinn þátt í því að ákveðið var að ráðast í stækkun verksmiðjunnar á Dalvík.
Nýja viðbyggingin gerir ráð fyrir fjórða ofninum og því má segja að horft sé til langrar framtíðar með nýja húsinu.
270 milljóna fjárfesting
Framkvæmdir við bygginguna hófust í árslok 2011. Arkitekt hússins er Bjarni Reykjalín á Akureyri, Verkfræðiskrifstofa Norðurlands annaðist byggingafræðilega útreikninga, Raftákn hf. á Akureyri hafði með höndum rafhönnun en aðalverktaki var Tréverk á Dalvík.
Heildarfjárfesting í nýja verksmiðjuhúsinu og búnaði er um 270 milljónir króna og kom Landsbanki Íslands að fjármögnun verkefnisins.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
