Ingvi Rafn býður sig fram í 2.-4. sæti á framboðslista Sjálfstæðisflokksins
Ingvi Rafn Ingvason
Ingvi Rafn Ingvason, tónlistarmaður, Akureyri, býður sig fram í 2.-4. sæti á lista Sjálfstæðisflokks í Norðausturkjördæmi.
Baráttumál Ingva eru:
"Að fólk hafi vinnu. Að umhverfi fyrirtækja sé þannig að skattar séu hóflegir og hvetji til þess að fólk geti og vilji stofna ný fyrirtæki. Að skattar verði engir á laun fólks að 300.000 kr., skattar verði 20% á laun yfir 300.000 -700.000 og eftir það 30%. Almenningur í landinu verður að hafa eitthvað milli handanna eftir að búið er að taka af því skatta og ríkið fær tekjur í gegnum virðisaukaskatt og launaskatt; bæði frá fyrirtækjum og einstaklingum. Að fólk geti fengið óverðtryggð húsnæðislán á sambærilegum kjörum og í nágrannalöndum okkar. Að verðtrygging verði afnumin. Að koma upp gróðurhúsum með niðurgreiddri orku sem getur skapað tugi starfa allt árið um kring og ræktað lífræna vöru, t.d. salat, melónur og fl. sem við erum að flytja inn í dag. Að huga betur að skapandi greinum sem eru vistvænar eins og tónlist, kvikmyndir, tölvuforritun og tölvuvinnsla og tengja það líka fólki sem af einhverjum ástæðum er ekki á vinnumarkaði en hefur getu og vilja til þess að vera virkara í lífinu. Að ríkið endurgreiði hluta kostnaðar vegna tónlistarupptöku og tölvuleikjagerðar eins og gert er vegna kvikmyndagerðar sem myndi efla þessar greinar enn frekar. Að eldra fólk, fatlaðir, atvinnulausir og öryrkjar geti lifað með reisn og án þess að finnast þau baggi á þjóðfélaginu. Að tryggja grunnstoðir þjóðfélagsins og gera sér grein fyrir að niðurskurður í heilbrigðis- og menntamálum er kominn að þolmörkum. Að við lærum af fortíðinni en búum svo um hlutina að þeir fari ekki í sama spillingar- og leyndarfarið aftur eins og raunin er eftir fjögurra ára vinstri valdatíð. Að við finnum stolt og von í því að vera Íslendingar þar sem við erum frjáls til þess að hugsa, starfa, leika okkur og lifa í þjóðfélagi sem leggur áherslu á mannúð, menntun og frelsi en um leið ábyrgð einstaklingsins."
Ingvi er 42 ára Akureyringur og er yngstur af 8 börnum Ingva Rafns Jóhannssonar, rafvirkjameistara- og söngvara og Sólveigar Jónsdóttur, húsmóður.
- Fréttatilkynning
Nýjast
-
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni. -
Hver borgar brúsann?
Ríkisstjórnin hefur lagt fram frumvarp um breytingar á lögum um skyldutryggingu lífeyrisréttinda og starfsemi lífeyrissjóða. Efni frumvarpsins varðar svokallaða víxlverkun. Verði frumvarpið að lögum verður lífeyrissjóðum óheimilt að taka tillit til greiðslna frá Tryggingastofnun ríkisins við útreikning örorkulífeyris. Í reynd þýðir það að tvö aðskilin kerfi, þ.e. almannatryggingar annars vegar og lífeyrissjóðir hins vegar, greiða út bætur án samræmis eða gagnkvæmrar aðlögunar. -
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983.
