Íbúarnir hvattir til að benda á afmælisgjafir
Eiríkur Bj. Björgvinsson bæjarstjóri, Oddur Helgi Halldórsson form. framkvæmdanefndar og Hulda Stefánsdóttir form. umhverfisnefn
Í tilefni 150 ára afmælis Akureyrarkaupstaðar ákvað bæjarstjórn Akureyrar að veita allt að hálfum milljarði króna í sérstakt umhverfisátak næstu fimm árin. Fjárveitingin er ætluð til nýframkvæmda og stofnbúnaðarkaupa í málum sem fyrst og fremst tengjast umhverfismálum í sveitarfélaginu öllu, s.s. endurgerð leikvalla, gerð göngu- hjóla- og reiðstíga, fegrun og frágang opinna svæða, skógrækt, endurgerð og endurplöntun. Opnað hefur verið sérstakt svæði á heimasíðu bæjarins, þar sem íbúarnir geta skráð niður hugmyndir og sent bænum. Íbúarnir eru með öðrum orðum virkjaðir, frestur til að skila inn hugmyndum eða tillögum er til 15. mars.
Nú þegar hafa margir íbúar haft samband við okkur, þess vegna opnum við þetta svæði á heimasíðu bæjarins. Þannig verður vonandi hægt að halda vel utan um þetta verkefni. Nefndir bæjarins koma að málinu og þar hafa verið settar fram ýmsar tillögur um hvernig best sé að verja þessum fjármunum, segir Eiríkur Björn Björgvinsson bæjarstjóri.
Oddur Helgi Halldórsson formaður framkvæmdanefndar segir upplagt að virkja almenning.
Hver og ein hverfisnefnd á Akureyri fær 2 milljónir króna til umráða, þeim er frjálst að ráðstafa peningunum sem best þykir. Nefndirnar í Grímsey og Hrísey fá svo eina milljón króna hvor. Á íbúaþingi sem haldið var á síðasta ári komu fram margar gagnlegar og skemmtilegar tillögur, sem við setjum í pottinn. Framkvæmdaráð og aðrar deildir bæjarins leggja svo líka í púkkið, þannig að ég býst við að gagnabankinn verði nokkuð öflugur og myndarlegur í lokin.
Lenda ekki í pappírstætaranum
Þessi hálfi milljarður er ekki afmælisgjöf til bæjarstjórnar, heldur er þetta gjöf til íbúanna. Ég býst við að allar tillögur og hugmyndir sem berast kosti samtals nokkra milljarða króna, þannig að einhverjir fyllast valkvíða áður en endanlegar ákvarðanir verða teknar, segir Eiríkur Björn bæjarstjóri.
Oddur Helgi útilokar ekki að svipuð leið verði farin á öðrum sviðum.
Við höfum ekkert ákveðið, en ef þátttakan verður góð er ekki útilokað að nota þessa aðferð við aðrar ákvarðanir í bæjarfélaginu okkar. Reykjavíkurborg lætur íbúa einstakra hverfa kjósa um verkefni og það er spennandi nýjung. Þær hugmyndir sem ekki fá brautargengi að þessu sinni lenda örugglega ekki í pappírstætaranum, þær nýtast kannski síðar. Ég hvet því alla til að taka þátt.
karleskil@vikudagur.is
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
