Höfuðstaður Norðurlands
Sigurjón Jóhannesson
Akureyri er fjölmennasta sveitarfélag okkar landshluta með rúmlega 18 þús. íbúa. Þrátt fyrir að mikill meirihluti íbúanna búi í þéttbýli fyrir botni Eyjafjarðar hefur sveitarfélagið þá sérstöðu að innan þess eru tveir minni byggðakjarnar í Hrísey og Grímsey. Taka verður mið af þessu þegar þjónusta sveitarfélagsins við íbúa er mótuð.
Akureyri er höfuðstaður Norðurlands . Það eru ekki mörg bæjarfélög af svipaðri stærð á meginlandi Evrópu sem geta státað af viðlíka framboði í þjónustu og viðburðum. Þetta á sérstaklega við um sérhæfða þjónustu, sérverslanir og menningarviðburði. Í þessu samhengi skipta samgöngur miklu máli, bæði austur og vestur og innan Eyjafjarðar. Þarna njótum við, íbúar Akureyrar, þess að eiga góða granna og ekki síður ferðamanna, bæði innlendra og erlendra, sem heimsækja bæinn. Með tilkomu Vaðlaheiðarganga á að vera hægt að efla Akureyri enn frekar sem þjónustumiðstöð fyrir Norður- og Austurland.
Verktakar og þjónustufyrirtæki á Akureyri eru í auknum mæli farin að sinna verkefnum erlendis. Á næstu árum verða möguleikar í auknum verkefnum á Grænlandi, skipaferðum um norðurslóðir og mögulegri olíuleit. Bærinn er vel staðsettur til að sinna þessum verkefnum. Það má því búast við aukinni eftirspurn eftir starfsfólki menntuðu í verk- og tæknigreinum. Stuðla má að námi sem hentar, með samvinnu VMA, Háskólans, iðnfyrirtækja, verkfræðistofa auk opinberra aðila eins og Akureyrarbæjar eða AFE.
Innanbæjar á Akureyri eru strætóferðir SVA alfarið greiddar af bæjarfélaginu og almennt er ánægja með það. Meira hefur aftur á móti verið rætt um almenningssamgöngur á milli landshluta og aðkomu sveitarfélaganna í gegnum landshlutasamtök þeirra. Niðurgreiddar samgöngur á vegu opinbera aðila mega ekki verða til þess að einkaframtak á sviði rútu- og leigubílaaksturs leggist af.
Það er mikilvægt að Akureyri sé samkeppnishæfur valkostur þegar kemur að búsetu fólks og þá sérstaklega ungs fólks sem er að koma úr námi. Fjölbreytt atvinnustarfsemi og þá atvinnumöguleikar skipta flesta miklu máli. En ekki má vannmeta aðra þætti eins og t.d. skóla-, heilbrigðis- og félagsþjónustu og möguleika á afþreyingu, útivist, íþróttum og menningu. Allt helst þetta í hendur auk þess að styrkja grunninn fyrir atvinnustarfsemina í sveitarfélaginu.
Sigurjón Jóhannesson.
Höfundur er verkfræðingur og sækist eftir 2-4. sæti í prófkjöri Sjálfstæðisflokksins á Akureyri.
Nýjast
-
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ.
