Hátt í 30 ár í bransanum
Myndbandaleigum fer ört fækkandi en Helgi Sigurðsson er þó ekki á förum. Mynd/Þröstur Ernir
Þeir eru alltaf að verða færri og færri sem gera sér ferð á myndbandaleigu í dag. Það er samt ákveðinn hópur fólks sem sækist ennþá í þetta og ennþá töluvert að gera hjá mér um helgar. Ég er enn að sjá fólk sem var að versla við mig fyrir um þremur áratugum síðan og það finnst mér afskaplega skemmtilegt, segir Helgi Sigurðsson sem á og rekur Sprett-Inn á Akureyri, pizzustað og myndbandaleigu.
Helgi hefur verið í leigubransanum í hátt í 30 ár og rekur nú einu myndbandaleiguna á Akureyri. Í spjalli við blaðamann Vikudags segir Helgi að með aukinni tækni sé sífellt erfiðara að halda úti leigustarfseminni.
Sautján myndbandaleigur
Þegar ég byrja í þessum bransa fyrir tæpum þrjátíu árum síðan, árið 1984, voru sautján videoleigur á Akureyri. Ég rak m.a. þrjár Bónusvideoleigur í bænum þegar mest var í 2-3 ár. En það er erfitt að berjast við netvæðinguna, fólk er farið að niðurhala bíómyndum og þáttum í sífellt meiri mæli og svo er einnig hægt að leigja sér myndir í gegnum myndlykla. Þannig að fólk þarf í raun ekki lengur að standa upp úr sófanum ef það vill horfa á eitthvað ákveðið efni. Mér finnst þetta leiðinleg þróun, segir Helgi.
Hann segir reksturinn ganga ágætlega og hann sé ekkert á þeim buxunum að hætta . En lykillinn að því að geta haldið úti myndbandaleigu í dag er að bjóða upp á aðra þjónustu líka. Leigan er aðeins um 15-20 prósent af rekstrinum en pizzurnar eru langstærsti hlutinn. Það er að verða nánast vonlaust að reka leigu eina og sér í dag og það er ein ástæðan fyrir því að þeim fer ört fækkandi.
Nánar er rætt við Helga Sigurðsson í nýjustu prentútgáfu Vikudags.
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
