Guðrún Pálína Guðmundsdóttir er nýr listamaður Akureyrarbæjar
Þau sem hlutu viðurkenningar, ásamt fulltr.Akureyrarstofu
Vorkoma Akureyrarstofu var haldin hátíðleg í Ketihúsinu í dag. Veittar voru viðurkenningar Menningar- og húsverndarsjóðs, Byggingarlistaverðlaun Akureyrarstofu og Athafna- og nýsköpunarviðurkenning Akureyrarstofu. Þá var og tilkynnt um starfslaun listamanns 2013-2014.
Starfslaunin hlýtur Guðrún Pálína Guðmundsdóttir myndlistarkona.
Hún hyggst nýta starfslaunin til að koma myndverkum sínum í bókform, fyrst og fremst teikningar og vatnslitamyndir. Hún hefur undanfarin ár unnið með myndverk sem fjalla um rannsóknir á forferðrum sínum frá og með áttundu kynslóð.
Alls voru fjórar heiðursviðurkenningar veittar úr Menningarsjóði og eru þær veittar fyrir mikilvægt framlag til menningarmála á Akureyri. Þessar viðurkenningar hlutu Gunnar F. Guðmundsson rithöfundur fyrir ævisögu Jóns Sveinssonar, Nonna, Zontaklúbbur Akureyrar, Bernharð Haraldsson fyrrum skólameistari Verkmenntaskólans á Akureyri og Saga Jónsdóttir leikkona.
Þrjár viðurkenningar voru veittar úr Húsverndarsjóði fyrir húsin að Brekkugötu 5, Hafnarstræti 107 B og Hafnarstræti 98 en allt eru þetta hús sem skipa mikilvægan sess í götumynd miðbæjarins á Akureyri.
Tvær viðurkenningar voru veittar fyrir byggingalist: arkitektastofan Kollgáta fékk viðurkenningu fyrir kaffihús í Lystigarðinum og Arkþing og Arkitema í Danmörku fyrir innra skipulag menningarhússins Hofs.
Athafna- og nýsköpunarverðlaun Akureyrar voru veitt í fjórða sinn og komu í hlut Hölds fyrir þrautseigju og góðan rekstur og fyrirtækið Seigla hlaut viðurkenningu fyrir nýsköpun og frumkvöðlastarf.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
