Finnst þér þetta rétt forgangsröðun?
Rennibrautin í Sundlaug Akureyrar
Líkt og margir vita var nýverið samþykkt bygging nýrrar rennibrautar við Sundlaug Akureyrar. Áætlaður kostnaður á rennibrautinni er u.þ.b. 100 milljónir.
Núverandi rennibraut er víst orðin of gömul, erfið í viðhaldi og jafnvel hættuleg. Margir hafa mótmælt þessu og telja peningana betur nýtta til uppbyggingar í sundlauginni eða annars viðhalds í bænum.
Eins og fram kom í viðtali RÚV við Ragnheiði Runólfsdóttur, sundkennara og þjálfara, í desember síðastliðnum er margt sem mætti bæta í sambandi við sundlaugina sem ætti að vera framar á forgangslista en ný rennibraut. Hún benti á að bæta mætti aðstöðu sundkennara og nemenda á margan hátt.
Til dæmis getur verið erfitt að kenna sund úti yfir veturinn þar sem íslenskt veður er afskaplega óáreiðanlegt og ekkert annað en útisundlaugar í boði. Þar að auki er ásigkomulag barnasundlaugar í kjallara aðalbyggingar sundlaugarinnar ábótavant. Sundlaugarbakkinn við útilaugarnar verður afar háll í bleytu og hættulegt getur verið fyrir kennara að þramma fram og til baka á honum liðlangan daginn.
Einnig má benda á að aðstaða kennara til annarar vinnu, s.s. bókhalds og pappírsvinnu er ekki nógu góð. Ragnheiður benti líka á að aðstaða fatl aðra og eldri borgara við sundlaugarnar er alls ekki til fyrirmyndar.
Akureyrarbær hefur þar að auki ákveðið að hætta að hita upp kirkjutröppurnar vegna sparnaðar en það kostar 5 milljónir á ári að hita upp annan helminginn. Það gerir það að verkum að mikil hálka getur myndast og slys átt sér stað.
Þá þarf einnig að handmoka tröppurnar allar en það er mjög tímafrekt og erfið vinna. Þannig að á meðan börn Akureyrar fá að renna sér í lengstu rennnibraut landsins um há vetur gæti hver sem labbar niður kirkjutröppurnar, runnið og slasast alvarlega.
Okkur finnst undarlegt að íþróttanefnd Akureyrarbæjar hafi samþykkt 100 milljóna rennibraut í stað þess að bæta aðstöðu til sundkennslu þar sem að eðlilegt er að íþróttakennsla sé þeim ofar í huga en rándýr rennibraut.
Við erum þó ekki fullkomlega mótfallnar nýrri rennibraut en hún þarf hvorki að vera sú stærsta á Íslandi né að kosta morðfjár.
Hafdís Björk, Agnes Birta, Þórunn Sigríður ogLóa Aðalheiður, nemendur við Menntaskólann á Akureyri.
Nýjast
-
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni -
Krílabær verður áfram í rekstri
Sveitarstjórn Þingeyjarsveitar hefur tekið tillit til skoðana sem fram komu í athugasemdum sem sendar voru í kjölfar þess að til skoðunar var að loka leikskóladeildinni Krílabæ. -
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum
