Einstakur árangur UFA
Meðlimir í Ungmennafélagi Akureyrar náðu einstaklega góðum árangri á sl. keppnisári. Þeir Gísli Sigurðsson þjálfari meistaraflokks og Unnar Vilhjálmsson þjálfari yngri flokkana hafa unnið mikið uppbyggingarstarf innan félagsins sem er að skila sér í að einstaklingar innan hópsins eru komnir í landsliðshóp og Ólympíuhóp Frjálsíþróttasambands Íslands.
Þjálfararnir voru báðir heiðraðir í lokahófi FRÍ í október og fengu viðurkenningu frá IAAF (Alþjóða frjálsíþróttasambandinu) fyrir þeirra framlag til íþróttarinnar.
Sex einstaklingar úr UFA eru í landsliðshópi FRÍ og tveir í Ólympíuhópnum fyrir leikana árið 2016, en í þeim hópi eru fjórar konur og sjö karlar.
Rannveig Oddsdóttir er götuhlaupari ársins í kvennaflokki og fékk viðurkenning í lokahófi FRÍ. Hún er 39 ára og náði sínum besta árangri í 10 km hlaupi (37:11) og maraþoni í sumar. Hún hljóp sig inn í Ólympíuhóp FRÍ með glæsilegum árangri í maraþoninu er hún náði öðrum besta tíma Íslendings frá upphafi á tímanum 2:52:3 mín. Hún er einnig í landsliðshóp FRÍ.
Hafdís Sigurðardóttir sigraði í öllum hlaupum sem hún tók þátt í á Íslandi í sumar og er í efsta sæti á afrekaskrá sumarins í 100 m (11,93), 200 m (24,00) og 400 m (54,16) hlaupum. Hún bætti sinn persónulega árangur í öllum hlaupunum og fékk verðlaun fyrir besta spretthlaupsafrekið í lokahófi FRÍ. Með þessum árangri er hún ein fjögurra kvenna í Ólympíuhópi FRÍ og er einnig í landsliðshópnum.
Þorbergur Ingi Jónsson er í landsliðsúrvali FRÍ. Hann hefur verið landsliðsmaður undanfarin fimm ár í millivegalengdum og langhlaupum. Síðustu ár hefur hann einbeitt sér að lengri götuhlaupum og utanvegahlaupum og er næstur á eftir Kára Steini Karlssyni Ólympíufara í 10 km(32,11), hálfu (1:09,23) og heilu maraþoni (2:26,00). Þess má geta að Þorbergi vantar eina mínútu í bætingu í maraþoninu til að komast í Ólympíuhópinn.
Kolbeinn Höður Gunnarsson er 17 ára og efnilegasti spretthlaupari landsins. Þrátt fyrir ungan aldur er hann í öðru sæti á afrekaskrá sumarins í karlaflokki í 100 m (11,05), 200 m (21,94) og 400 m (48,99) hlaupum. Hann setti Íslandsmet í 400 m hlaupi innanhúss og 200 m hlaupi utanhúss í flokki 16-17 ára pilta á árinu.
Ásgerður Jana Ágústsdóttir er 15 ára efnileg sjöþrautarkona. Hún bætti sig í öllum greinum sl. sumar og er í þriðja sæti á afrekaskrá sumarsins í hástökki með 1,70m. Hún er í landsliðshóp FRÍ.
Bjarki Gíslason hefur verið fastamaður í landsliðinu undanfarin ár í sinni grein sem er stangarstökk (4,90 m). Bjarki var meiddur í sumar en er kominn á fullt og stefnir hátt.
Bjartmar Örnuson átti einnig við meiðsli að stríða á árinu sem hélt honum frá keppni en hefur verið í landsliðshópnum í 800 m hlaupi.
Meistaraflokkur UFA er ekki stór en öflugur sem sést á þessum glæsilega árangri. En til að ná árangri þarf þrautsegju, dugnað, vilja, jákvætt umhverfi og hugarfar, góða þjálfara og góða aðstöðu. Þetta hefur tekist bærilega hjá UFA og þar er metnaður fyrir að reka afreksstefnu og fara alla leið.
Texti: Aðalbjörg Hafsteinsdóttir.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
