Einstakt hljóðfæri tekið úr umbúðunum
Hljóðfærið verður vígt í H'oladómkirkju
Fámennum hópi áhugafólks hefur nú tekist að afla fjár til kaupa á einstöku hljóðfæri sem tekið verður formlega úr umbúðunum kl. 11 á morgun, miðvikudag, í Akureyrarkirkju. Þetta er lítið hljóðfæri af sembalfjölskyldunni, svokallaður virginall, sem á sér engan sinn líka á Íslandi. Hljóðfærið er smíðað algjörlega eftir þörfum endurreisnar- og snemmbarokktónlistar.
Barokksmiðja Hólastiftis ses. heitir menningarfélagið sem stendur að þessum hljóðfærakaupum. Stjórn þess er skipuð tónlistarfólki og áhugafólki um barokk. Barokksmiðjan var stofnuð til að auka áhuga Íslendinga á barokktónlist og öðrum listum og menningu barokktímans. Hápunktur hvers árs í starfi Barokksmiðjunnar er Barokkhátíðin á Hólum sem haldin er síðustu helgina í júní ár hvert. Hátíðin í ár hefst á fimmtudag og þar kennir ýmissa grasa. Þátttakendur eru nú frá Íslandi, Finnlandi, Svíþjóð, Hvíta-Rússlandi, Úkraínu og Hollandi þannig að hátíðin er alþjóðleg.
Hljóðfærið nýja verður vígt í Hóladómkirkju á fimmtudagskvöld kl. 20. Þá halda þau Lars og Maria Sjöstedt tónleika. Lars aðstoðaði við val á hljóðfærinu og útfærslu þess. Hann er semballeikari en Maria fiðluleikari. Hljóðfærið smíðaði Tony Chinnery á Ítalíu, einn færasti sembalsmiður Evrópu. Það kostar um tvær og hálfa milljón króna. Þetta er stór áfangi í sögu Barokksmiðjunnar og menningarlegt afrek, ekki síst á þessum tímum þegar erfiðlega gengur að fá styrki til menningarmála.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
