Eining-Iðja:Meðallaun 328 þúsund krónur á mánuði
Björn Snæbjörnsson/mynd karl Eskil
Capacent Gallup gerði launa- og þjónustukönnun fyrir Einingu-Iðju í nóvember og bárust svör frá liðlega 900 manns. Samkvæmt könnuninni voru meðallaunin 327.979 krónur í mánuðinum. Hæst voru þau í óskilgreindum flokki, 447.000 krónur og þar á eftir hjá bílstjórum/lager-/tækjastarfsmönnum, 362.000 krónur. Lægstu meðallaunin voru meðal skólaliða, leiðbeinenda og fólks sem starfar við ræstingar. Þar voru launin 281.000 krónur að jafnaði í síðasta mánuði.
Launin lægst á Akureyri
Meðal heildarlaun voru lægri á Akureyri en á öðrum svæðum í firðinum. Á Akureyri voru þau 321.322 krónur í nóvember en á öðrum stöðum voru launin að jafnaði 351.000 krónur. Ekki reyndist vera marktækur munur á launum karla og kvenna. 26 % sögðust vera sátt við launin en 49 % ósátt.
Athygli vekur að nærri 40 % segjast ekki hafa fengið taxtahækkun, prósentuhækkun eða launahækkun í kjölfar síðustu samninga. Björn Snæbjörnsson formaður Einingar-Iðju segir að þessi svör komi verulega á óvart og málið verði kannað sérstaklega.
Aukið álag
Nærri 60 % svarenda segja að álag í vinnunni hafi aukist á síðustu mánuðum. Hátt í 70 % þeirra sem eru í umönnunarstörfum segja að álagið hafi aukist, hlutfallið er sömuleiðis svipað meðal bílstjóra.
Áhyggjur af fjármálum
42 % hafa miklar áhyggjur af fjárhagsstöðu sinni, aðallega vegna lágra launa eða hækkandi verðlags. Um helmingur hefur áhuga á að afla sér aukinnar menntunar á framhaldsskólastigi, ef sérstök námskeið yrðu sniðin að fólki á vinnumarkaði.
Mikil ánægja með Einingu-Iðju
Svarendur voru spurðir um þjónustu Einingar-Iðju. Mikill meirihluti, rúmlega 95%, er sáttur við þjónustuna og nærri 60 % hafa nýtt sér þjónustu félagsins undanfarna 12 mánuði.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
